لەکۆنگرەیەکی ڕۆژنامەوانیدا بەڕێوەبەرایەتی هاتووچۆی سلێمانی ئامارەکانی جەژنی قوربانی پیرۆزی ئاشکرا کرد
ئەمڕۆ شه‌ممه ٢٥/٨/٢٠١٨ لە کۆنگرەیەکی رۆژنامەوانیدا لەناو بارەگای بەڕێوەبەرایەتی هاتووچۆی سلێمانی ڕائیدی هاتووچۆ (کاروان محمد صدیق) ووتەبێژی بەڕێوەبەرایەتی هاتووچۆی سلێمانی ئامارەکانی جەژنی قوربانی پیرۆزی ئاشکرا کرد و ڕایگەیاند: ژمارەی ڕووداوەکانی هاتووچۆ لە چوار ڕۆژی جەژنی قوربانی ساڵی ٢٠١٨ بریتین لە ١٧ ڕووداو کە (١١) ڕووداوی پێکدادان و (٤) وەرگەڕان و (١)ئاگرگرتن و (١) شێلان بوون.
ڕائید کاروان هەروەها ڕایگەیاند کە لە کۆی ئەو ١٧ ڕووداوە (١٠) ڕووداویان لە ناوشار و (٧) رووداوەکەی تر لە دەرەوەی شار ڕوویان داوە کە بە داخەوە بەهۆی ئەم ڕووداوانەوە یەک کەس گیانی لەدەستداوە و ٢٢ کەسی تریش بریندار بوون.
بەراورد بە جەژنی قوربانی ساڵی پار واتە لە ٢٠١٧ ڕووداوەکانی هاتووچۆ زیادیان کردووە، لەجەژنی قوربانی پێشوودا تەنها ١٢ ڕووداو ڕوویاندابوو بەبێ بوونی گیان لەدەستدان و بوونی تەنها ١٢ بریندار.
شوان عه‌زیز
کۆمێنت (0)
تا ئێستا هیچ کۆمێنتێک نەکراوە.