رۆژی 24-8-2014 هێزەكانی پێشمەرگەی كوردستان تەواوی ناحیەی قەراج و گوندەكانی دەورووبەری لە تیرۆریستانی داعش پاككردەوە.
هێزەكانی پێشمەرگە بە پلانێكی تۆكمە وێڕای پاككردنەوەی ناحییەی قەراج؛ گوندەكانی (سەلماس و كونە سیخورە و خەزنە و گردگڕاو و گرد قۆشەنە و گەزۆك و گۆمەشین)ی سەربە ناحیەی قەراجی لە تیرۆریستانی داعش پاككردەوە.
لە هەڵمەتی پاككردنەوەی ناحییەی قەراج و گوندەكانی دەوروبەریدا پێشمەرگە توانی گورزی بەهێز لە تیرۆریستان بدات و دەیان لاشەیان كەوتە بەردەست و ژمارەیەك ئۆتۆمبێلیشیان سوتێنرا و دەستیش بەسەر چەك و تەقەمەنییاندا گیرا.
دوای ئەوەی تیمەكانی ئەندازەی هێزەكانی پێشمەرگە دەستیان بە هەلگرتنەوەی مین و تەقەمەنییە چێنراوەكانی داعش كرد و ئارامی بۆ ناوچەكە گەڕایەوە.
کۆمێنت (0)
تا ئێستا هیچ کۆمێنتێک نەکراوە.