له‌ڕاگه‌یاندراوێكدا كه‌وێنه‌یه‌ك ده‌ست ماڵپه‌ری كوردستان تیڤى كه‌وتووه ، قائیمقامییه‌تى قه‌زای ناوه‌ندی سلێمانى ڕایده‌گه‌ێنێت ، بەمەبەستی پاكوخاوێنی راگرتنی شار و بڵاونەبونەوەی نەخۆشی، لیژنەی فتوای سلێمانی بڕیاری قەدەغەكردنی سەربڕینی ئاژەڵی لەكۆڵان و گەڕەكەكان داوە و لیژنە هاوبەشەكانی قائیمقامیه‌تی سلێمانیش رێگری لە سەربڕینی ئاژەڵ لە گەڕەكەكان دەكات.
مامۆستا نەجمەدین قادر، بەرپرسی لقی سلێمانی یەكێتی زاناینی ئاینی كوردستان رایگەیاند: بەمەبەستی پاكوخاوێنی راگرتنی شار و رێگری كردن لە بڵاوبونەوەی نەخۆشی، لیژنەی فتوای سلێمانی بڕیاری قەدەغەكردنی سەربڕینی ئاژەڵی لە دەرەوەی كوشتارگەكان دەركردوە.
وتیشی: پێویست ناكات قوربانیكار خوێنی ئاژەڵەكە ببینی با كەسێكی نزیكی خۆی بكات به نوێنه‌ر و له كوشتارگە كاره‌كانی بۆ جێبه‌جێ بكات كه لەروی دینەوە توشی هیچ گرفتێكی دینی نابێت و ئینشائەڵا خودا لێی قبوڵ دەكات.
راشیگەیاند: بۆیە داواكارم لە موسوڵمانان و قوربانیكاران لە كوشتارگەكان قورباییەكانیان سەربڕن و پارێزگاری لە پیس بوونی ژیپنگە بكەن.
هاوكات قائیمقامی سلێمانی لیژنە هاوبەشەكانی راسپاردوە كه رێگری لە سەربڕینی ئاژەڵ لە گەڕەك و كۆڵانەكان بكەن، گۆران قادر، سەرۆكی لیژنە هاوبەشەكانی قائیمقامیەت ووتی؛ به‌فه‌رمانی قائیمقامی سلێمانی تیمه‌كانی لیژنه هاوبه‌شه‌كان رێگری له سه‌ربڕینی ئاژه‌ڵ له كۆڵان و شه‌قامه‌كان ده‌كات.
شوان عه‌زیز
کۆمێنت (0)
تا ئێستا هیچ کۆمێنتێک نەکراوە.