داوای ده‌رکردنی چه‌کدارانی حه‌شدی شه‌عبی له‌ هه‌موو شاره‌کان ده‌کرێت

سوننه‌كان داوا ده‌كه‌ن كۆنتڕۆڵی ئه‌و چه‌كانه‌ بكرێت كه‌ به‌ده‌ستی چه‌كدارانی حه‌شدی شه‌عبییه‌وه‌یه‌و له‌هه‌موو شاره‌كانیش به‌دوور بخرێنه‌وه‌.

له‌مباره‌یه‌وه‌ ئوسامه‌ نوجه‌یفی، جێگری سه‌رۆك كۆماری عێراق و سه‌ركرده‌ له‌ هاوپه‌یمانی نیشتمانی له‌ دیدارێكی ته‌له‌فزیۆنی رایگه‌یاند: چه‌كێكی زۆر به‌شێوه‌یه‌كی به‌ربڵاو به‌ده‌ستی گرووپه‌ چه‌كداره‌كان و هۆزه‌كانه‌وه‌یه‌، بۆیه‌ پێویسته‌ كۆنتڕۆڵی ئه‌و چه‌كانه‌ی حه‌شدی شه‌عبی بكرێت و له‌سه‌ربازگه‌یه‌ك كۆبكرێنه‌وه‌.

هه‌روه‌ها نوجه‌یفی داوای كرد چه‌كدارانی حه‌شدی شه‌عبی و هێزه‌كانی دیكه‌ له‌ هه‌موو شاره‌كانی عێراق دوور بخرێنه‌وه‌ و له‌ شوێنی ئه‌وان ئاسایشی ناوچه‌كان له‌لایه‌ن پۆلیسی فیدڕاڵییه‌وه‌ به‌ڕێوه‌ببرێن.

سه‌باره‌ت به‌ ده‌ستنیشانكردنی سه‌رۆك وه‌زیرانی داهاتووش نوجه‌یفی گوتی: ده‌مانه‌وێ سه‌رۆك وه‌زیران كه‌ سایه‌تییه‌كی په‌سندكراو بێت و له‌گه‌ڵ هه‌مووان بگونجێت.

ئاماده‌كردنی / رزگار