به‌پێى هه‌واڵێكى بى بى سى ئه‌مڕۆ سێشه‌ممه 14ى ئابى 2018، ئۆتۆمبێلیك خۆی به به‌ربه‌سته‌كانى به‌رده‌م په‌رله‌مانى به‌ریتانیا كێشاوه به‌و هۆیه‌شه‌وه 2 كه‌س برینداربوون.
سه‌رله‌به‌یانى ئه‌مڕۆ كاتژمێر 7:30 به كاتى گرینیج ئۆتۆمبێلێك خۆى كێشا به به‌ربه‌سته‌كانى به‌رده‌م په‌رله‌مان له له‌نده‌نى پایته‌ختى وڵاتى به‌ریتانیا و دواتر ئۆتۆمبێله‌كه خۆى به پاسكیل سواراندا داوه و 2 كه‌سیش برینداربوونه دواتر به ئۆتۆمبێلى فریاكه‌وتن برینداره‌كانیان گه‌یانده نه‌خۆشخانه و هیج مه‌ترسییه‌ك له‌سه‌ر ژیانیان نییه.
پۆلیس ئاماژه‌ى به‌وه داوه كه شوفێرى ئۆتۆمبێله‌كه ده‌ست به‌جێ له شوێنى ڕووداوه‌كه ده‌ستبه‌سه‌ر كراوه و پۆلیسی به‌ریتانیاش هیچ لێدوانێكیان نه‌داوه ده‌رباره‌ى ئه‌و ڕووداوه و تا ئێستا دیار نییه كه ڕووداوه‌كه كرده‌وه‌ى تیرۆریستى بێت.
هاوكات ژماره‌یه‌ك له شایه‌تحاڵى ڕووداوه‌كه به پۆلیسیان راگه‌یاندووه: ئۆتۆمبێله‌كه به ئه‌نقه‌ست خۆى كێشاوه به خه‌ڵكى.
جێى ئاماژه‌یه چه‌ندین ئۆتۆمبێلى فریاكه‌وتن و ئاگركوژێنه‌وه و پۆلیسى سكوتلاندیارد یه‌كه‌ى وه‌ڵامدانه‌وه‌ى تێرۆر گه‌یشتونه‌ته شوێنه‌كه و خه‌ریكى لێكۆڵینه‌وه له ڕووداوه‌كه ده‌كه‌ن و هێزی پۆلیسیش به هۆشێكى كراوه له شوێنه‌كه بڵاوه‌یان كردووه.
ئاماده‌كردن و وه‌رگێڕانى/ سیروان عه‌زیز
کۆمێنت (0)
تا ئێستا هیچ کۆمێنتێک نەکراوە.