سبه‌ى گه‌وره‌ترین هاوکاری به‌سه‌ر منداڵانی بێ باوکدا دابه‌ش ده‌کرێت

ده‌زگای خێرخوازیی بارزانی و مانگی سووری ئیمارات بڕی (8،523،484.66) دۆلار به‌سه‌ر  (10.714) منداڵی بێباوكدا دابه‌ش ده‌كات

سبه‌ى دووشه‌ممه‌ رێككه‌وتی 13/8/2018 كاتژمێر (2)ی پاش نیوه‌ڕۆ له‌ هۆڵی پێشه‌وا له‌شاری هه‌ولێر، ده‌زگای خێرخوازیی بارزانی له‌گه‌ڵ مانگی سووری ئیماراتی له‌ مه‌راسیمێكدا هاوكاری قۆناغی (2016-2017)‌ كه‌ بریتییه‌ له‌ (8،523،484.66) دۆلاری ئه‌مه‌ریكی به‌سه‌ر (10.714) منداڵی بێباوك دابه‌ش ده‌كات. شێوازی دابه‌شكردنه‌ به‌پێی شاره‌كان و ژماره‌ی سوودمه‌ندان كه‌ له‌ڕێگه‌ی ئۆفیسه‌كانی ده‌زگای خێرخوازیی بارزانییه‌وه‌ به‌ڕێوه‌ ده‌برێن به‌مشێوه‌یه‌ ده‌بێت: 
•    شاری هه‌ولێر و ده‌وروبه‌ری (3200) منداڵی بێ باوك بڕی (2.341.671) دۆلاری ئه‌مه‌ریكی وه‌رده‌گرن.
•    شاری سلێمانی و ده‌وروبه‌ری (2872) منداڵی بێ باوك بڕی (1،572،197) دۆلاری ئه‌مه‌ریكی وه‌رده‌گرن.
•    شاری كه‌ركووك ـ ئیداره‌ی گه‌رمیان و ده‌وروبه‌ری (2631) منداڵی بێ باوك بڕی (2،070،909) دۆلاری ئه‌مه‌ریكی وه‌رده‌گرن.
•    شاری دهۆك و ده‌وروبه‌ری (2011) منداڵی بێ باوك بڕی (2،300،021) دۆلاری ئه‌مه‌ریكی وه‌رده‌گرن.

شوان عه‌زیز