به‌پێى هه‌واڵێكى رووسیا ئه‌لیه‌وم ئه‌مڕۆ یه‌كشه‌ممه 12ى ئابى 2018، خۆپیشانده‌ران له شارى به‌سره ده‌روازه‌ى سه‌فوانیان داخست كه سنوورى عێراق به وڵاتى كویته‌وه ده‌به‌ستێت، خۆپشانده‌ران داواى خزمه‌تگوزارى ده‌كه‌ن و ناڕه‌زاییان ده‌ربڕى به‌هۆى ئه‌وه‌ى حكومه‌ت به‌ڕووى داواكارییه‌كانیان نه‌هاتووه.
خۆپیشانده‌رانى شارى به‌سره له گه‌ڕه‌كه نزیكه‌كانى سنوورى عێراق به‌ره‌و ده‌روازه‌ى سه‌فوان رێیان كردووه و ده‌روازه‌ى سه‌فوان كه سنوورى عێراق به وڵاتى كوه‌یته‌وه ده‌به‌ستێت دایانخستووه و له ئێستادا ڕێگاى هاتووچۆ له نێوان عێراق و كوه‌یته‌وه نه‌ماوه و ناڕه‌زاییان ده‌ربڕى له‌سه‌ر كه‌مى خزمه‌تگوزارى و هه‌روه‌ها داواكارى خۆپیشانده‌ران له حكومه‌تى عێراق ئه‌وه‌یه داواكارییه‌كان و هه‌لى كاریان بۆ دابین بكرێت و هه‌روه‌ها به‌ڵێنیان داوه كه به‌رده‌وام بن تا داواكارییه‌كانیان له‌لایه‌ن حكومه‌ته‌وه جێ به‌جێ بكرێت.
جێى ئاماژه‌یه نزیكه‌ى یه‌ك مانگ ده‌بێت له پارێزگاكانى ناوه‌ڕاست و و باشوورى عێراق و هاووڵاتیان له‌به‌ر نه‌بوونى خزمه‌تگوزارییه‌كان و نه‌بوونى هه‌لى كار خۆپیشاندان ئه‌نجام ده‌ده‌ن سه‌ره‌ڕاى ئه‌وه‌ى له ماوه‌كانى ڕابردوو له چه‌ند ناوچه‌یه‌ك گرژى و شه‌ڕى لێ كه‌وته‌وه و حكومه‌ت به‌ڵێنى ئه‌وه‌ى دابوو به زووترین كات چاره‌سه‌رى و به ڕووى داواكارییه‌كانى هاووڵاتيیانه‌وه بێت به‌ڵام به پێى پێویست هیچ هه‌نگاویَكى ئه‌رینى ئه‌نجام نه‌داوه ببیَته هۆى هیمنكردنه‌وه‌ى ره‌وشى ئه‌و ناوچانه.
ئاماده‌كردن و وه‌رگێڕانى/ سیروان عه‌زیز
کۆمێنت (0)
تا ئێستا هیچ کۆمێنتێک نەکراوە.