سعوودیه‌ یه‌که‌م رۆژی جه‌ژنی قوربانی دیاریکرد

سعودیە یەکەم رۆژی جەژنی قوربانی دیاریکرد و رایگەیاند، رۆژی سێشەممە 21-8-2018 یەکەم رۆژی جەژنی قوربانە.

وەزارەتی ئەوقاف و كاروباری ئاینی رایگەیاند رۆژی سێشەممەی داهاتوو 21ی ئاب یەكەم رۆژی جەژنی قوربانە.

نەبەز ئیسماعیل، سەرۆكی تیمی راگەیاندنی حاجییانی كوردستان لە وڵاتی سعودیە راگەیاند، ئەمشەو بە فەرمی یەكلایی كرایەوە كە رۆژی سێشەممەی داهاتوو 21ی ئاب یەكەم رۆژی جەژنی قوربانی پیرۆز دەبێت.

پێشتر، نەبەز ئیسماعیل، گوتەبێژی وەزارەتی ئەوقافی هەرێمی كوردستان لە سعودیەوە  راگەیاند بوو، ئەمشەو حكومەتی سعودیە دیاریكردنی یەكەم رۆژی جەژنی قوربان یەكلایی دەكاتەوە و ئەگەر ئەم مانگی زیلقەعدە (ذی القعدە)ـیە 30پڕ بێت، ئەوا 22ی مانگ دەكرێتە یەكەم رۆژی جەژنی قوربان، ئەگەر 29 رۆژیش بێت، ئەوا 21ـی مانگ دەكرێتە یەكەم رۆژی جەژن.