به‌ڕێوه‌به‌رایه‌تی پۆلیسی پارێزگای سلێمانی له ڕاگه‌ێنراوێكدا ڕایگه‌یاند: له هه‌ڵمه‌تێكی هێزه‌كانی بنكه‌ی پۆلیسی سه‌رچنار به‌هاوكاری بنكه‌ی پۆلیسی هه‌واری شار و یاریده‌ده‌رێتی ئاسایشی سه‌رچنار و نوێنه‌رایه‌تی گه‌شتوگوزار پێنچ یانه‌ی شه‌وانه داخران.
ڕاشیگه‌یاند: هه‌ڵمه‌ته‌كه به‌سه‌رپه‌رشتی ڕاسته‌وخۆی به‌ڕێوه‌به‌ری پۆلیسی پارێزگای سلێمانی ،له‌هه‌ڵمه‌تیكی بنكه‌ی پۆلیسی سه‌رچنار به‌هاوبه‌شی بنكه‌ی پۆلیسی هه‌واری شار و یاریده‌ده‌رێتی ئاسایشی سه‌رچنار و نوێنه‌رایه‌تی گه‌شتوگوزار پێنچ یانه‌ی شه‌وانه له‌سنوری گه‌ڕه‌كی سه‌رچنار داخران و ده‌ستیش گیرا به‌سه‌ر چه‌ند پارچه چه‌قۆیه‌ك و بۆكس خه‌نجه‌ردا .
پۆلیسی سلێمانی ڕاشیگه‌یاندووه: داخستنی ئه‌م یانه له كاتیدایه كه‌پابه‌ند نه‌بوون به‌ڕێنماییه‌كانه‌وه و ماوه‌یه‌ك له‌مه‌وبه‌ر چه‌ند ڕوداوێكی ته‌قه‌كردن له‌وناوچانه ڕویداوه .
کۆمێنت (0)
تا ئێستا هیچ کۆمێنتێک نەکراوە.