دوو ڕۆژ لەمه‌وبەر لە کوێستانی مینبەر لەدەڤەری سیدەکان دوای ئەوەی شوانێک مێگەل بزنەکانی بۆ لەوەڕاندن دەباتە بەهەڵە ده‌چنه نێو کێڵگەیەکی مین لەو ناوچەیە و بەهۆی تەقینەوەی مینێکی جۆری ڤاڵمارا شوانەکە گیانی لەدەست دا.
بەپێی قسەی کەس و کاری شوانه‌كه سەرەتا بزنێک قاچی بەسەر مینەکەدا کەوتوە و بەشوانەکەدا تەقیوەتەوە .
لای خۆیەوە مینا تەها بەرپرسی ڕاگەیاندنی بەڕێوەبەرایەتی تەندروستی سۆران بەماڵپەڕی کوردستان تیڤی ڕاگەیاند: دوو ڕۆژ لەمەوبەر تەرمێکی هێنرایە بەشی فریاکەوتنی نەخۆشخانەی سۆران و دەرکەوت ئەوهاولاتیە بەرمین کەوتووە و لەکاتی پێداتەقینەوەی مین لەشوێنی ڕوداوەکە دەست بەجێ گیانی لەدەستداوە.
هه‌روه‌ها بەرپرسی ڕاگەیاندنی تەندروستی سۆران گوتیشی: ئەو هاوڵاتیە ناوی عارف سەعید مام سارە تەمەن 20 سالانە و خێزاندارە خەلکی ناحیەی هەریرە بەمەبەستی کاری ئاژەڵداری هاتۆتە کوێستانەکانی سیدەکان .
مه‌هدی داود
کۆمێنت (0)
تا ئێستا هیچ کۆمێنتێک نەکراوە.