رۆژنامه‌یه‌كی سعودی ئاشكرای كردووه كه چه‌كدارانی داعش به نیازن له چه‌ند شوێنێكی پارێزگای ئه‌نبار بڵاوببنه‌وه و ئه‌و شاره بۆ جارێكی دیكه كۆنتڕۆڵ بكه‌نه‌وه.
رۆژنامه‌ی عوكازی سعودی له راپۆرتێكیدا كه ئه‌مڕۆ چوارشه‌ممه بڵاویكردۆته‌وه رایگه‌یاندووه: چه‌كدارانی داعش به یارمه‌تی شانه نووستووه‌كانیان له پارێزگای ئه‌نبار ده‌یانه‌وێ له چه‌ند شوێنێك بڵاوببنه‌وه‌و ئه‌و شاره بۆ جارێكی دیكه كۆنتڕۆڵ بكه‌نه‌وه.
ئه‌و رۆژنامه سعودیه كه له‌سه‌ر زاری سه‌رچاوه‌یه‌كی عێراق زانیارییه‌كانی ده‌ست كه‌وتووه، ئه‌وه‌شی راگه‌یاندووه كه راپۆرته‌كه پشتی به دانپێدانانی چه‌كدارێكی داعش به‌ستووه كه له‌م ماوه‌یه‌دا له‌لایه‌ن هێزه عێراقییه‌كانه‌وه ده‌ستگیركراوه.
رۆژنامه‌كه ده‌شڵێت: هه‌روه‌ها ئه‌و دانپێدانانه بۆته هۆی ئاشكراكردنی چه‌ند مۆڵگه‌یه‌كی چه‌كدارانی داعش له‌سه‌ر سنووری نێوان عێراق و ئورده‌ن.
ئاماده‌كردنی/ رزگار
کۆمێنت (0)
تا ئێستا هیچ کۆمێنتێک نەکراوە.