كتێبی "ڕابه‌رانی هزری كۆمه‌ڵایه‌تی" له نووسینی د. ئیحسان محه‌مه‌د ئه‌لحه‌سه‌ن و وه‌رگێڕانی دانا مه‌لا حه‌سه‌ن و له دوتوێی 512 لاپه‌ڕه‌دا ناوه‌نی ئه‌ندێشه چاپ و بڵاویكردۆته‌وه.
ئه‌م كتێبه لێكۆڵینه‌وه‌یه‌كی شرۆڤه‌كارییه له مێژووی هزری كۆمه‌ڵایه‌تی و نووسه‌ر له پێشه‌كی كتێبه‌كه‌دا ئه‌وه‌ی خستۆته‌ڕوو كه ئه‌م لێكۆڵینه‌وه‌یه له سێزده به‌ش پێ هاتووه و كه هه‌ر به‌شێك تایبه‌ته به ئایكۆنێكی هزری كۆمه‌ڵایه‌تی. نووسه‌ر ئه‌وه‌شی نووسیوه كه بۆ تێگه‌یشتن له هزری كۆمه‌ڵایه‌تی لای عه‌ره‌به‌كان و موسوڵمانان له میانی سه‌ده‌كانی ناوه‌ڕاستدا، غه‌زالی، فارابی و ئیبن خه‌لدوون هه‌ڵبژێردراون. بۆ ئاشنابوون به سروشت و ئاراسته‌كانی هزری كۆمه‌ڵایه‌تی ئه‌وروپی ته‌قلیدی، ئۆگه‌ست كۆنت، كارڵ ماركس، هێربه‌رت سبنسه‌ر، ئه‌میل دۆركایم و جۆرج زیمبل هه‌ڵبژێردراون.
له كۆتایشدا بۆ ئاشنابوون به شێواز و هزر و تیۆریی كۆمه‌لایه‌تی سه‌ده‌بی بیسته‌م، ماكس ڤێبه‌ر، ڤێلفرێدۆ پاریتۆ، كارڵ مانهایم، بترم سۆرۆكن و تاڵكۆت پارسۆنز هه‌ڵبژێردراون.
كتێبه‌كه به وردی ئاراسته‌ی هزریی و كاریگه‌ریی هه‌ر سێزده ڕابه‌ره‌كه‌ی هزری كۆمه‌ڵایه‌تی شرۆڤه ده‌كات و ده‌خوازێت وێنه‌یه‌كی ڕاسته‌قینه و واقیعی هزری ئه‌م بیرمه‌نده و كۆمه‌ڵناسانه بخاته‌ڕوو
سه‌رچاوه/ هه‌ولێر
كوردستان تیڤی/ كامران حاجی
کۆمێنت (0)
تا ئێستا هیچ کۆمێنتێک نەکراوە.