گوته‌بێژی هۆزه عه‌ره‌به‌كانی پارێزگای نه‌ینه‌وا، رایده‌گه‌ێنێ، چه‌كدارانی په‌كه‌كه چه‌ند باره‌گایه‌كیان بۆ شاری مووسڵ ناوه‌ندی پارێزگای نه‌ینه‌وا گواستووه‌ته‌وه‌و چه‌كداره‌كانی نێو باره‌گایه‌كانیش هاووڵاتییه عه‌ره‌به‌كانی سنووری به‌عاج و رۆژئاوای شنگالن.
موزاحم ئه‌حمه‌د حوێت، گوته‌بێژی هۆزه عه‌ره‌به‌كانی پارێزگای نه‌ینه‌وا، موزاحم ئه‌حمه‌د حوێت له لێدوانێكی بۆ ئاژانسی ئانادۆڵو رایگه‌یاندووه: دوای كشانه‌وه‌ی سوپای عێراق له ناوچه سنوورییه‌كانی نێوان عێراق و سووریا و جێگیربوونی چه‌كدارانی په‌كه‌كه له شوێنی سوپای عێراق، ده‌رفه‌تی زیاتر بۆ په‌كه‌كه و سه‌رجه‌م لقه‌كانی سه‌ربه ئه‌و رێكخراوه‌دا ره‌خساوه جگه له زیادكردنی بنكه و باره‌گاكانی له شنگال چه‌ند باره‌گایه‌كیان بۆ شاری مووسڵ ناوه‌ندی پارێزگای نه‌ینه‌وا گواستووه‌ته‌وه.
گوتیشی: ژماره‌ی باره‌گاكانی په‌كه‌كه له شاری مووسل سێ باره‌گایه، تا ئێستا به ئاشكرا جموجۆڵ ناكه‌ن و هه‌موو چه‌كداره‌كانیان ئه‌و هاووڵاتییه عه‌ره‌بانه‌ی سنووری به‌عاج و رۆژئاوای شنگالن، گومان له‌وه نییه كه دوای توندوتۆڵكردنی پێگه‌ی خۆیان له شاره‌كه‌دا قۆناغی وه‌رگرتنی باج و سه‌رانه له هاووڵاتییانی به‌شمه‌ینه‌تی مووسڵ ده‌ست پێده‌كات.
ئاماده‌كردنی: رزگار
کۆمێنت (0)
تا ئێستا هیچ کۆمێنتێک نەکراوە.