سه‌رۆكی كۆماری عێراق سزای له سێداره‌دانی چه‌ند كه‌سێكی دیكه په‌سند ده‌كات، كه تاوانباران به كوشتن و ئه‌نجامدانی كرده‌وه‌ی تیرۆریستی.
له راگه‌ێنراوێكی نووسینگه‌ی سه‌رۆك كۆماری عێراق كه وێنه‌یه‌كی ده‌ست كوردستان تیڤی كه‌وتووه هاتووه: فوئاد مه‌عسوم، سه‌رۆكی كۆماری عێراق سزای له سێداره‌دانی چه‌ند كه‌سێكی په‌سند ده‌كات، كه تاوانباران به كوشتن و ئه‌نجامدانی كرده‌وه‌ی تیرۆریستی كه ژیانی هاووڵانی بێ گوناهی كردۆته ئامانج.
راگه‌یه‌َنراوه‌كه‌ی نووسینگه‌ی كۆمار ده‌شڵێت: واژۆ له‌سه‌ر بڕیاری له سێداره‌دانه‌كه كراوه‌و بۆ جێبه‌جێكردنی ره‌وانه‌ی لایه‌نه په‌یوه‌ندیداره‌كان كراوه، بڕیاره‌كه‌ش دوای پێداچوونه‌وه به دۆسییه‌كان له‌لایه‌ن لێژنه‌ی یاسایی تایبه‌ت بۆ ئه‌م بایه‌ته بووه.
ئاماده‌كردنی: رزگار
کۆمێنت (0)
تا ئێستا هیچ کۆمێنتێک نەکراوە.