له ڕۆژێكی وه‌ك ئه‌مڕۆدا و له به‌رواری 28/6/1988 و كاتژمێر 4:30 خوله‌ك كه ڕۆژی یه‌ك شه‌ممه بوو، چه‌ند فڕۆكه‌یه‌كی جه‌نگی ڕژێمی به‌عسی عێراق به ئاسمانی سه‌رده‌شتدا سورانه‌وه و 7 بۆمبی خه‌رده‌لیان به سه‌ر شاره‌كه‌دا باراند كه 2 بۆمب به‌ر بازاری شاره‌كه كه‌وتن و 2 بۆمبی تر به‌ر شوێنی نیشته‌جێبوونی خه‌ڵكی كه‌وتن و 3 بۆمبی تر له باخ و باخاته‌كانی ده‌ور و پشتی شاره‌كه كه‌وتنه‌وه.
له ئه‌نجامی ئه‌و كیمیا بارانه‌دا 130 هاوڵاتی كورد شه‌هید و زیاتر له 8 هه‌زار كه‌سیش ژه‌هراوی بوون.
شایه‌نی باسه ئاسه‌واره‌كانی ئه‌و كیمیا بارانه تا ئێستاش له‌شاره‌كه ماوه‌ته‌وه و هێشتا به‌ركه‌وته‌كانی چه‌كی كیمیایی له شاره‌كه‌دا به ده‌ست ئازارو لێكه‌وته‌كانی ئه‌و چه‌كه كۆمه‌ڵكوژییه قه‌ده‌غه‌كراوه‌دا ده‌ناڵێنن.
کۆمێنت (0)
تا ئێستا هیچ کۆمێنتێک نەکراوە.