لەسەر بنەمای چاودێری تەندروستی و جیاکاری و دابونەریتە خراپەکان و توندوتیژی سێکسی و جۆرەکانی دیکەی توندوتیژی و بازرگانیکردن بە مرۆڤەوە ، نزیكه‌ی 550 كه‌سی پسپۆر له بواری كێشه‌كانی ژن له سه‌ر ئاستی جیهان توێژینه‌وه‌یه‌كیان ئه‌نجامداوه و له كۆتاییدا گه‌یشتوونه‌ته ئه‌وه‌ی ریزبه‌ندییه‌ك دیاری بكه‌ن .
دامه‌زراوه‌ی تۆماس رۆیته‌رز كه تایبه‌ته به‌م بواره هه‌ڵساوه به ئه‌نجامدانی ئه‌م توێژینه‌وه‌یه و له ئه‌نجامدا ده‌ریخستووه بەهۆی بەرزی ڕێژەی توندوتیژی سێکسی و گێچەڵ دژ بە ژنان و دابونەریتە خراپەکانی وڵاتەکە و بازرگانیکردن بە مرۆڤەوە کە ئەوەش (بەکەنیزەکردن و ناچارکردنیان بۆ کارکردن) دەگرێتەوە ، وڵاتی هیندستان به مه‌ترسیدارترین وڵاتی جیهان بۆ ژنان داده‌نرێت .
به گوێرەی دامەزراوەکە وڵاتی ئەفغانستان بە مەترسیدارترین وڵاتی جیهان بۆ ژنان دادەنرێت لەدوای هیندستان ، هۆکارەکەی بۆ ڕێکخراوی تاڵیبان دەگەڕێتەوە کە ماوەی ١٧ ساڵە ژنان ڕووبەڕووی مەترسی دەکاتەوە، دیارترین لەو مەترسیانەش نەبوونی چاودێری تەندروستی و نەبوونی داهات و توندوتیژیەکانی دیکەی وڵاتەکەیە .
بەهۆی نەبوونی چاودێری تەندروستی و شەڕ و توندوتیژییەکانی ناوخۆی وڵاتەکەی سوریا لە ڕیزبەندی سێهەم وڵاتی مەترسیدار بۆ ژنان دێت ، هەروەها وڵاتی سۆماڵیش بەهۆی دابونەریت و کلتورە مەترسیدارەکانی وڵاتەکەوە خراوەتە چوارەم پلەی ڕیزبەندییەکە .
هەرچەندە لەڕووی بەدەستنەگەیشتنی داهات و جیاکاری ڕەگەزییەوە ، سعودیه بە دووەم خراپترین وڵات بۆ ژنان دادەنرێت ، بەڵام بەشێوەیەکی گشتی وڵاتەکە خراوەتە پێنجەم پلەی ڕیزبەندی وڵاتە مەترسیدارەکانی جیهان بۆ ژن، کە تیایدا مافی موڵکداری و مافی کارکردنیان پارێزراو نیە، هەروەها پێنجەم وڵاتیشە کە ژنان بەهۆی دابونەریتە کلتوریی و ئاینییەکانەوە زیانیان بەرکەوتووە .
ناوی هه‌ر یه‌ك له وڵاتانی پاکستان و کۆماری دیموکراتی کۆنگۆ و یەمەن و نایجریا له ریزبه‌ندییه‌كه‌دا هه‌یه ، هه‌روه‌ها ئه‌مریكا له پله‌ی١٠یەمی مەترسیدارترین وڵاتی جیهاندایە بۆ ژنان و تەنها وڵاتی ڕۆژئاوایە کە لەو ڕیزبەندیەدا ناوی هاتبێت ، ژنانی ئەمریکا ڕووبەڕووی ڕێژەیەکی بەرزی توندوتیژی و دەستدرێژی سێکسی و گێچەڵ دەبنەوە .
کۆمێنت (0)
تا ئێستا هیچ کۆمێنتێک نەکراوە.