ئێواره‌ى رۆژى هه‌ینى 15ى حوزه‌یرانى 2018 ، له‌یاریه‌كانى كۆمه‌له‌ى دووه‌م له‌جامى جیهانى 2018 كه‌له‌وڵاتى روسیا به‌ڕێوه‌ده‌چێت ، هه‌ردوو هه‌ڵبژارده‌ى ئیسپانیا و پورتوگال رووبه‌رووی یه‌ك بوونه‌وه .
ئه‌نجامى یاری نێوان هه‌ردوو هه‌ڵبژارده به‌یه‌كسان بوون به‌سێ گۆل بۆ هه‌ردوولا به‌كۆتا هات ، له‌یاریه‌كه‌دا ڕۆناڵدۆى پورتوگالى توانى هاتریك تۆمار بكات ئاستێكى به‌رز نیشان بدات ئه‌مه‌ش هۆكارێك بوو له‌وه‌ى بتوانێ سێ گۆل له‌به‌رامبه‌ر ئیسپانیا تۆمار بكات ، دوای یاریه‌كه‌ش به‌باشترین یاریزانى یاریه‌كه ده‌ست نیشانكرا .
له‌دوای یاریه‌كه رۆناڵدۆ له‌به‌رده‌م میدیاكان رایگه‌یاند ، ئەنجامی یەکسان بوونمان له‌گه‌ل ئیسپانیا ئەنجامێکی دادپه‌روه‌رانه بوو ، ئیسپانیا یەکێکە لە باشترین ھەڵبژاردەکانی جیھانه ، بەڵام ئێمەش له‌رووبه‌رووبونه‌وه‌مان له‌گه‌ڵیان بڕوامان بە خۆمان بوو
رۆناڵدۆ ڕاشیگه‌یاند ، خاڵێکمان بەدەست ھێنا و له ٣ خاڵیش نزیک بووین له‌به‌ده‌ست هێنانى چونکە ئێمە ٢ جار پێش کەوتین بەڵام سەرئەنجام خاڵێکیش خراپ نەبوو ، به‌م ئه‌نجامه‌ش خۆشحاڵین كه ئەنجامێکی ھاوسەنگیش بوو
له‌به‌شێكى دیكه‌ى لێدوانه‌كانى بۆ میدیاكان رۆناڵدۆ رایگه‌یاند ، ئامانجی ئێمە بیر کردنەوەیە لە یاری داھاتوو دەزانین ئەو یاریەش قورس دەبێت بەڵام ھیوادارم بردنەوە تۆمار بکەین و لەم قۆناغە سەربکەوین ، دەبێت بۆ رۆژی چوار شەممەی داهاتوو ھەموو ھەوڵێک بدەین تا له بەرامبەر بە مەغریب براوە بین شکست بەو ھەڵبژاردەیەش بھێنین له‌پێناو هه‌نگاونان و سه‌ركه‌وتن بۆ قۆناغى داهاتوو
شوان عه‌زیز
کۆمێنت (0)
تا ئێستا هیچ کۆمێنتێک نەکراوە.