حكومه‌تى عێراق ڕه‌زامه‌ندى نیشاندا پێش جه‌ژن ، بڕی 317 ملیارو 545 ملیۆن دینار بۆ مووچه‌ى مانگى چوار ڕه‌وانه‌ى كوردستان بكات .
ماهر جوهان بریكارى وه‌زاره‌تى دارایی عێراق ڕایده‌گه‌نێت ، وه‌زاره‌ت ڕێو شوێنه كارگێرییه‌كانى ته‌واو كردووه بۆ ناردنى بڕه پاره‌ى هه‌رێمى كوردستان كه‌تایبه‌ته به‌فه‌رمانبه‌ران ، ئه‌و به‌رپرسه‌ى دارایی ڕاشیده‌گه‌یه‌نێت سبه‌ى سێشه‌ممه 12 - 6 - 2018 ئه‌و بڕه پاره‌یه دەخرێتەسەر ژمارە حیسابی وەزارەتی دارایی هەرێم
به‌پێى لێدوانى پێشووترى وه‌زاره‌تى دارایی و ئابووری هه‌رێمى كوردستان له‌پێشووتر ڕایانگه‌یاند بوو ، له‌گه‌ڵ گه‌یشتنى هه‌ر بڕه پاره‌یه‌ك له‌به‌غداوه بۆ كوردستان ئه‌وا ڕاسته‌وخۆ موچه‌ى هه‌ریه‌ك له‌وه‌زاره‌ته‌كانى پێشمه‌رگه ، ناوخۆ ، ده‌زگاكانى ئاسایش ، لیوا و نه‌وت و گاز و خانه‌نشینى سه‌ربازی و مه‌ده‌نى دابه‌ش ده‌كرێت
شوان عه‌زیز
کۆمێنت (0)
تا ئێستا هیچ کۆمێنتێک نەکراوە.