هاوپەیمانی دژی داعش بە سەرۆكایەتی ئەمریكا، له‌ڕوونكردنه‌وه‌یه‌وكدا رەتیكردەوە، جوڵاندنی هێزەكانی بەرەو شەنگال دژی ئێران بێت.
بەرپرسێکی سەربازی هاوپەیمانی نێودەوڵەتی دژ بە داعش ڕایگەیاند، ئامانج لە جێگیرکردنی هێزێکی ئەمریکی لە قەزای شەنگال پشتیوانیکردنە لە شەڕی دژ بە داعش لە عێراق و سوریا و بنکەی سەربازی هەمیشەیی لە قەزاکەدا دانامەزرێنن.
تۆماس ڤێڵ بەرپرسی پەیوەندییەکانی دەرەوەی هاوپەیمانی نێودەوڵەتی بە ماڵپەڕی زە ڕیجنی ڕاگەیاند: هێزەکانی هاوپەیمانان لە نزیکەوە لەگەڵ عێراقی هاوپەیمانیدا هەماهەنگی دەکەن بۆ قۆناغی داهاتووی ئۆپراسیۆنی دژ بە داعش لەسەر سنوری نێوان عێراق و سوریا و ڕۆژهەڵاتی دۆڵی فوڕات، بۆ تێکشکاندنی ئەو چەکدارانەی داعش کە لەو ناوچەیەدا ماون".
گوتیشی: هیچ پلانێک نیە بۆ پێکهێنانی بنکەی سەربازی هەمیشەیی ئەمریکا یان هاوپەیمانان لە عێراق و سوریا و سەرجەم بنکە سەربازییەکان کاتین و هەریەکەو بۆ ئەرکێکی تایبەتی لە شەڕی دژ بە داعشدا دروستکراون.
ئاماژەی بەوەش کرد هەموو بنکە سەربازییەکانیان لە عێراق لە ژێر کۆنتڕۆڵی حکومەتی عێراقدان و لەلایەن هێزە ئەمنییەکانی ئەو وڵاتەوە بەڕێوەدەبرێن.
وتیشی: جوڵاندنی ئەو هێزە بۆ شەنگال بۆ هەمیشە نییەو بەهیچ شێوەیەك دژی ئێرانیش ئەو هێزانەمان لەوێ دانەناوە.
وتیشی: ئێمە لە رۆژی دەستپێكردنی ئەو ئۆپەراسیۆنە كە لە 1ی مانگی رابردوەوە دەستمان پێكردووە بە روونی ئەوەمان ئاشكرا كردووە‌و شتێك بەناوی بنكەی هەمیشەیی ئەمریكا لەو ناوچەیە نییە.
کۆمێنت (0)
تا ئێستا هیچ کۆمێنتێک نەکراوە.