به‌به‌ڵگه‌وه‌ : به‌بڕیاری پارێزگاره‌ به‌وه‌کاله‌ته‌که‌ی که‌رکوک ده‌یان که‌س فۆڕمى خۆراکیان له‌پارێزگاکانى عێراق ده‌گوازنه‌وه‌ بۆ که‌رکوک

له‌نوسراوێكدا به‌بڕیاری ڕاكان جبورى پارێزگاره‌ به‌وه‌كاله‌ته‌كه‌ی كه‌ركوك ، كارئاسانی و ڕێگه‌ ده‌درێت به‌ده‌یان كه‌س فۆڕمى خۆراكیان له‌پارێزگاكانى عێراق و وه‌له‌قه‌زاو ناحیه‌كانه‌وه‌ بگوازنه‌وه‌ كه‌ركوك . 

نوسراوه‌كه‌ ئیمزاى ڕاكان جبورى له‌سه‌ره‌ تێیدا ئاماژه‌ به‌و ناوانه‌ دراوه‌ كه‌فۆرمى خۆراكیان گواستوه‌ته‌وه‌ كه‌ركوك ، وه‌نوسراوه‌كه‌ ئاراسته‌ى لایه‌نى په‌یوه‌ندیدار كراوه‌ بۆ ته‌واو كردنى كاره‌كه‌یان له‌گواستنه‌وه‌ى فۆڕمى خۆراكیان بۆ سنوره‌كه‌

له‌شازده‌ى ئۆكتۆبه‌ر به‌هاتنى هێزه‌كانى عێراقى و هێزه‌ میلیشیاكان به‌هاوكاری چه‌ند به‌رپرسێك له‌یه‌كێـتى نیشتیمانى كوردستان كارئاسانى بۆ ئه‌و هێزانه‌ كرا ، كه‌ركوك و ده‌وروبه‌ری داگیر كرا و ڕووداوه‌كان بوونه‌ هۆی ئه‌وه‌ى به‌شێكى زۆر له‌خاكى كوردستان له‌ده‌ست بدرێت ، وێڕای هاتنى ئه‌و هێزانه‌ و هاوڵاتیه‌كى زۆری عه‌ره‌ب له‌ناوچه‌كانى دیكه‌ ڕوویان له‌سنورى كه‌ركوك و ده‌وروبه‌ری كردووه‌ و كارئاسانیشیان بۆیان كراوه‌ ، له‌زۆر شوێندا به‌بڕیاری ڕاكان جبورى له‌كه‌ركوك زه‌وی كشتوكاڵى به‌سه‌ر هاوڵاتیانى عه‌ره‌بى تازه‌ هاتوو دابه‌ش كراوه‌ 

شوان عه‌زیز