وەزارەتی دارایی و ئابووری هەرێمی كوردستان رێنماییەكی دارایی لەبارەی رەسمی بەكاربردنی ناوخۆیی بڵاوكردەوە و تیایدا رەسمی بەكاربردن لەسەر بەرهەمە هاوردەكان، توتن و جگەرە و بەرهەمە لێوەرگیراوەكان دادەنرێت و داهاتەكەی دەدرێتە وەزارەتی تەندروستی هەرێم.
دوای ئه‌وه‌ی وه‌زاره‌تی ته‌ندروستی هه‌رێمی كوردستان داوای زیاد كردنی باجی كرد له‌سه‌ر جگه‌ره و ماده كحولیه‌كان، له‌وه‌ڵامدا حكومه‌تی هه‌رێمی كوردستان ره‌زامه‌ندی نیشان دا و بریاریدا جگه له باج و گومرگ رێژه‌ی (5%) ره‌سمی به‌كار بردن له‌گشت بابه‌ته‌كانی توتن و به‌رهه‌مه لێوه‌رگیراوه‌كان وه‌ده‌گیرێت .
دكتۆر (رێكه‌وت حه‌مه ره‌شید ) وه‌زیری ته‌ندروستی هه‌رێمی كوردستان له‌لاپه‌ره‌ی تایبه‌تی خۆی له‌تۆری كۆمه‌ڵایه‌تی فه‌یس بووك ، نوسراوێكی وه‌زاره‌تی دارایی و ئابووری حوكمه‌تی هه‌رێمی كوردستان بڵاو كردۆته‌وه كه‌بریار دراوه به‌زیاد كردنی رێژه‌ی باج و گومرگ .
وه‌زیری ته‌ندروستی ئه‌وه‌شی راگه‌یاندوه: بریارێكی گرنگ له پێناو زیاد كردنی داهاتی ته‌ندروستی و كه‌مكردنه‌وه‌ی به‌كار هێنانی جگره و خواردنه كحولیه‌كان ، كارنامه‌ی وه‌زاره‌تمان چووه بواری جێبه‌جێكردن .
جێگه‌ی ئاماژه بۆكردنه بریاره‌كه‌ی وه‌زاره‌تی دارایی ئه‌مرۆ 2018/5/20 به‌واژووی (رێباز حه‌ملان) ده‌رچووه بۆ ماوه‌ی (45) رۆژ ده‌كه‌وێته بواری جێبه‌جێكردن، كه بریار دراوه له‌مه‌ودوا جگه له گومرگ و باج رێژه‌ی (5%) ی ره‌سمی به‌كار بردنی ناوه‌خۆی له‌گشت بابه‌ته‌كانی توتن جگه‌ره و به‌رهه‌مه لێوه‌رگیراوه‌كان واته (مشتقات ).
کۆمێنت (0)
تا ئێستا هیچ کۆمێنتێک نەکراوە.