د. فازڵ نه‌بى بریكارى پێشووى وه‌زاره‌تى دارایی و ئابووری عێراق ڕایده‌گه‌یه‌نێت ، وه‌زاره‌تى دارایی و ئابووری عێراق بڕیاری خه‌رجكردنی موچه‌ی مانگی سێی فه‌رمانبه‌رانی هه‌رێمی ده‌ركردوه‌و له‌ڕێگه‌ی وه‌زاره‌تیشه‌وه پێمڕاگه‌یه‌نراوه كه‌به‌غدا ڕه‌زامه‌ند بووه له‌سه‌ر خه‌رج كردنى مووچه‌ى مانگى سێى فه‌رمانبه‌رانى دام و ده‌زگاكانى حكومه‌تى هه‌رێمى كوردستان
ناوبراو ڕاشیده‌گه‌یه‌نێت چاوه‌ڕوان ده‌كرێت له‌دوو ڕۆژى داهاتوو ئه‌و بڕه پاره‌یه بگوازرێته‌وه كوردستان بۆسه‌ر ژماره حسابی وه‌زاره‌تی دارایی هه‌رێمى كوردستان.
وه‌زاره‌تى دارایی و ئابوورى هه‌رێمى كوردستان له‌ئێستادا سه‌رقاڵى ته‌واو كردنى مووچه‌ى دابه‌شكردنى مانگى دووه به‌سه‌ر ئه‌و وه‌زاره‌ت و شوێنانه‌ى وه‌ریان نه‌گرتووه ، له‌ڕاگه‌یاندراوى پێشووى وه‌زاره‌تدا ئاماژه‌یان به‌وه‌كردبوو كه تا ته‌واو نه‌بوونى مووچه‌ى مانگى دوو به‌سه‌ر ته‌واوى دام و ده‌زگاكان ئه‌وا ده‌ست به‌دابه‌ش كردنى مووچه‌ى مانگى سێ ناكرێت ، به‌گه‌یشتنى ئه‌و بڕه پاره‌یه‌ش ئه‌وا وه‌زاره‌تى دارایی لیستى نوێى مووچه بۆ مانگى سێ ڕاده‌گه‌یه‌ندرێـت به‌سه‌ر وه‌زاره‌ت و دام و ده‌زگاكانى دیكه .
شوان عه‌زیز
کۆمێنت (0)
تا ئێستا هیچ کۆمێنتێک نەکراوە.