دوای نیوەڕۆی ئەمڕۆ 14-5-2018، سەرۆکوەزیرانی عێراق لە بارەی ئەنجامی هەڵبژاردن رایدەگەیەنێت “داوا لە لایەن و قەوارەکان دەکەم رێز لە ئەنجامی هەڵبژاردن بگرن.
حەیدەر عەبادی، سەرۆکوەزیرانی عێراق لە کۆنگرەیەکی رۆژنامەڤانیدا لە بەغدا رایگەیاند داوا لە لایەن و قەوارەکان دەکەم رێز لە ئەنجامی هەڵبژاردن بگرن.
عەبادی لە وتەیەکدا ڕایگەیاند، ئەوان پابەندن بەوەی بەرگری لە یەکپارچەیی و سەروەری عێراق بکەن تا ئەو کاتەی حکومەتی نوێ پێکدەهێنرێت.
سەرۆك وەزیرانی عیراق داوا دەكات، لایەنەكان و قەوارە سیاسیەكان رێز لە دەرئەنجامی هەڵبژاردنەكان بگرن و ئامادەیی بۆ پێكهێنانی حكومەتی دوور لەگەندەڵی دەردەبرێت.
حەیدەر عەبادی سەرۆك وەزیرانی عیراق رایگەیاند، پرۆسەی هەڵبژاردنەكان بەسەركەوتووی كۆتایی هات و، داواشی لە قەوارە و هێزە سیاسیەكان و هاووڵاتیان كرد رێز لە دەرئەنجامی هەڵبژاردنەكان بگرن و پابەندبن بە رێگە دەستوری و یاساییەكان بۆ گەیاندنی گلەیی و سەرپێچییەكان.
سەرۆك وەزیرانی عیراق لەپرێس كۆنفرانسەكەدا گوتیشی: ئامادەین بۆ پێكهێنانی حكومەتێكی بەهێز بۆ داهاتووی عیراق بەجۆرێك لەگەندەڵی بەدوور بێت، رێگری لەدەستوەردانی دەرەكی دەكرێت لە حكومەتی داهاتوو.
رۆژی شەممە 12/5/2018 پرۆسەی دەنگدانی گشتی لە هەڵبژاردنی خولی چوارەمی پەرلەمانی عێراق لەو وڵاتە و هەرێمی کوردستان ئەنجام درا.
کۆمێنت (0)
تا ئێستا هیچ کۆمێنتێک نەکراوە.