له نووسینی حامید گه‌وهه‌ری كتێبی" مسته‌فا بارزانی پێشمه‌رگه و سه‌رۆك" بڵاوكراییه‌وه.
ئه‌م كتێبه مێژووییه‌له‌سه‌ر دوو شێوازی زانستی و مه‌یدانی كراوه نووسراوه، سه‌رچاوه‌یه‌كی زۆر گرنگه چه‌ندین لێكۆله‌وه‌نیه‌وه‌ی مێژووی له‌سه‌ر بارزان و بارزانییه‌كان به به‌ڵگه‌وه ده‌خاته روو.
هه‌رله‌م كتێبه‌دا نووسه‌ر باس له مسته‌فا بارزانی و شۆرشی دووه‌می بارزان و رۆڵی بارزانییه‌كان له كۆماری كوردستان له‌گه‌ڵ په‌رینه‌وه‌ی بارزانییه‌كان له رووباری ئارسدا ده‌كات ،له‌م كتێبه‌دا دیدارێكی باقرۆڤ له‌گه‌ڵ مسته‌فا بارزانی و به‌رێكخراوكردنی بارزانییه‌كان و دانانی ئه‌نجومه‌نی كوردان له ئازه‌ربایجان بڵاوكراوه‌ته‌وه.
له‌م كتێبه‌دا مێژووییه‌دا تیشك خراوه‌ته سه‌ر چه‌ند شه‌رێكی گرنگ كه بوونه‌ته هۆی ئه‌وه‌ی كێشه‌ی كورد له دۆخێكه‌وه بۆ دۆخێكی تر بگۆرێت وه‌كو شه‌ری زاویته ، هێرشی فیرقه‌ی یه‌كه‌م و دووه‌م بۆسه‌ر بارزان ، تاكتیكی نوێ له‌شه‌ركانی ناوچه‌ی رواندز ، شه‌ری كێوه‌ره‌ش و راپۆرتی ئیدریس بارزانی له‌گه‌ڵ شه‌ری بازێ له ناوچه‌ی هه‌كاری.
گه‌وهه‌ری باس له‌و پیلانانه‌ی كردوه كه‌دژی بارزانی وشۆرش ئه‌نجامدراون وه‌كو ئاژه‌وه‌ی گروپی ئیبراهمم ئه‌حمه‌د و شه‌ره‌كانی (1967-1968) پیلانی گه‌وره‌ی 29 ی سپێتمبه‌ری ساڵی 1971 پیلانی رێكه‌وتنی جزائیری ساڵی 1975.
شایانی باسه حامید گه‌وهه‌ری له‌م كتێبه‌دا ئاماژه‌ی به چه‌ندین زانیاری ووردو شاراوه‌ی به‌سوودی داوه.
كوردستان تیڤی/ كامه‌ران حاجی
کۆمێنت (0)
تا ئێستا هیچ کۆمێنتێک نەکراوە.