له میانی سه‌ردانێكیدا بۆ توركیا، ئیبراھیم جەعفەری، وه‌زیری ده‌ره‌وه‌ی عیراق له‌گه‌ڵ مەولود چاوشئۆغڵوی وه‌زیری ده‌ره‌وه‌ی توركیا كۆبووه‌وه.
لە لێدوانێكدا مەولود چاوشئۆغڵو ئاماژەی بەوەکرد ، كه بەمەبەستی بەشدارییکردن لە لیژنەی ھاوبەشی ئابووریی، جه‌عفه‌رى ھاتووەتە تورکیا و ئاشكرایكرد كه بەردەوام لەگەڵ ئیبراھیم جەعفەرییدا بە تەلەفۆن قسە دەکەن و لە کۆبوونەوە نێودەوڵەتییەکاندا چاویان بە یەکتر دەکەوێت، جگە لەوەش زوو زوو سەردانی یەکتر دەکەن.
وتیشی" لەو کۆبوونەوانەدا پەیوەندییە دووقۆڵییەکان و بابەتە ناوچەییەکان و دۆخی ئێستای عیراق تاوتوێ دەکرێت و لەو رووەشەوە سەردانەکەی جەعفەریی لەکاتی خۆیدایە و زۆر پڕ واتایە.
هاوكات ئیبراھیم جەعفەری، وه‌زیری ده‌ره‌وه‌ی عیراق باسی لەوەکرد کە ھەمیشە چاوشئۆغڵو چالاکە و سوپاسی ناوبراویشی کرد بۆ میواندارییکردنیان بەر لە دەستپێکردنی گەشتەکەی.
جەعفەری ھیواشی خواست لەو کۆبوونەوەیەدا کە ئەنجامی دەدەن ئاستەنگەکانی بەردەم پەیوەندییە دووقۆڵییەکانیان ھەڵبگرن.
کۆمێنت (0)
تا ئێستا هیچ کۆمێنتێک نەکراوە.