شه‌وی دووشه‌ممه‌ له‌سه‌ر سێشه‌ممه‌ی ئه‌م هه‌فته‌یه‌ شه‌وی به‌راته‌

شه‌وی دووشه‌ممه‌ له‌سه‌ر سێشه‌ممه‌ی ئه‌م هه‌فته‌یه‌، شه‌وی به‌راته‌ كه‌ موژه‌ده‌هێنه‌ری مانگی ره‌مه‌زانه‌.

شه‌وی به‌رات هاوكاته‌ له‌گه‌ڵ ١٥هه‌مین شه‌وی مانگی شه‌عبان كه‌ دووه‌مینی سێ مانگه‌كانه‌ و له‌ ١٩ ئادار ده‌ستی پێكردووه‌.

به‌پێی باوه‌ڕی ئیسلام به‌رات به‌ واتای پاكبوونه‌وه‌ له‌ گوناهه‌كان، خاوێنبوونه‌وه‌ و كه‌وتنه‌ به‌ر ره‌حمه‌ت و لێخۆشبوونی خوا دێت.

ده‌گوترێت كه‌ حه‌زره‌تی محه‌ممه‌د (د.خ) له‌باره‌ی به‌راته‌وه‌ فه‌رمووویه‌تی: ١٥هه‌مین شه‌وی مانگی شه‌عبان به‌ خواپه‌رستی به‌سه‌ربه‌رن. رۆژه‌كه‌یشی رۆژوو بگرن. چونكه‌ خوای باڵاده‌ست ئه‌مشه‌وه‌ ره‌حمه‌تی خۆی ده‌بارێنێت به‌ سه‌ر جیهاندا و ده‌فه‌رمووێت :كه‌س هه‌یه‌ تۆبه‌ بكات، تا لێی قبووڵ بكه‌م. كه‌س هه‌یه‌ رسق و رۆزی بووێت تا پێی بده‌م. كه‌س هه‌یه‌ شیفای بوێت تا بۆی بنێرم. كه‌س هه‌یه‌ شتێكی دیكه‌ی بوێت تاكو پێی بده‌م.

ئاماده‌كردنی: رزگار