بەشار ئەسەد ، سەرۆکی رژێمى سووریا پەیوەندییەکی تەلەفۆنیی لەگەڵ حەسەن رووحان، سەرۆک كۆمارى ئیسلامى ئێران ئەنجامدا و هەردوولا لە پەیوەندییەکەدا قسەیان لەسەر هێرشەکەی ئەمریکاو بەریتانیاو فەرەنسا بۆ سەر سووریا کرد و رووحانی رایگەیاند، كه ئێران پاڵپشتی گەل و حکومەتی سووریا ده‌كات.
رووحانی بە ئەسەدی راگەیاند" دەستدرێژی ئەو وڵاتانە بۆ سەر سووریا ئیرادەی گەلی سووریا لە شەڕی دژ بە تیرۆریزم لاواز ناکات و هەروەها جەختی لەسەر بەردەوامیی پاڵپشتیی ئێران لە حکومەت و گەلی سووریا کردووەتەوە.
رووحانی سەرەڕای ئیدانەکردنی هێرشەکە رایگەیاندووە، هێرشەکە پێشێلی ئاشکرای یاسا نێودەوڵەتییەکان و نەتەوە یەکگرتووەکانە. سەرۆک کۆماری ئێران هەروەها جەختی لەسەر پێویستی رێزگرتن لە سەروەری و یەکپارچەیی خاکی سووریا کردووەتەوە.
کۆمێنت (0)
تا ئێستا هیچ کۆمێنتێک نەکراوە.