دوای ئه‌وه‌ی ژماره‌یه‌ك چه‌كداری داعش شه‌وی دووشه‌ممه 9/4/2018 هه‌ڵیانكوتایه سه‌ر گوندی فه‌ریقی سه‌ر به حه‌فته‌غاری داقوق له باشووری كه‌ركوك و هه‌ره‌شه‌یان لێكردن، ئه‌مشه‌و خه‌ڵكی گونده‌كه ماڵه‌كانی خۆیان چۆل كرد و ئاواره‌ی ناوچه‌كانی تر بوون له ترسی هه‌ڕه‌شه‌كانی داعش.
ئێستاش له ته‌واوی گونده‌كانی سه‌ر به حه‌فته‌غار، ترس و دڵه‌راوكێیه‌كی زۆر بڵاوبۆته‌وه وخه‌ڵكی له‌و بارودۆخه ناهه‌مواره نیگه‌رانن و داعش ته‌نگی به دانیشتوانی ئه‌و گوندانه هه‌ڵچنیوه و هه‌ڕه‌شه‌یان لێده‌كات، به‌و هۆیه‌شه‌وه خه‌ڵكی گونده‌كان ناچار ماڵه‌كانیان جێده‌هێڵن بۆ پاراستنی گیانی خۆیان و خێزانه‌كانیان.
شایه‌نی باسه له دوای ڕووداوه‌كانی 16ی ئۆكتۆبه‌ره‌وه هیچ هێزێكی ئه‌منی له‌و گوندانه بوونی نییه تا ئه‌و دڵه ڕاوكێیه بڕه‌وێنێته‌وه و ناوچه‌كان بپارێزێت له چه‌كدارانی داعش و هه‌ر گرووپێكی چه‌كداری تر ئه‌وه‌ش بۆته هۆكاری چۆلكردنی ئه‌و ناوچانه له لایه‌ن دانیشتوانه‌كه‌یه‌وه.
کۆمێنت (0)
تا ئێستا هیچ کۆمێنتێک نەکراوە.