له كۆبوونه‌وه‌ی ئه‌مڕۆدا نه‌توانرا هیچ واده‌یه‌ك بۆ ئه‌نجامدانی كۆبوونه‌وه‌یه‌ك دیاری بكرێت بۆ هه‌مواركردنه‌وه‌ی پڕۆژه‌یاسای چاكسازی له بواری مووچه و خانه‌نشینیدا.
کۆبوونەوەی سەرۆکایەتی پەرلەمان و سەرۆکی فراکسیۆنەکان و لیژنەی دارایی و یاسایی پەرلەمانی کوردستان، بە بێ هیچ ڕێککەوتنێک کۆتایی هات .
ئایدن مەعروف، سەرۆکی فراکسیۆنی بەرەی تورکمانی، ڕاگەیاند، کۆبوونەوەکە ڕاوێژکاری بوو و بڕیاردرا پرۆژە یاساکە دوای هەڵبژاردنی پەرلەمانی گفتوگۆی لەسەر بکرێت .
گوتیشی، فراکسیۆنەکان نەگەیشتنە ڕێککەوتن، ئێستاش لە دۆخێکی هەستیارداین و لە کاتی هەڵبژاردن نزیکین، گفتوگۆکان دواخران بۆ دوای هەڵبژاردن .
کۆبوونەوەیەکی راوێژکاری لەبارەی پەسندکردنی پڕۆژەیاسای چاكسازی لە خانەنشینی و مووچە و دەرماڵەكان لە پەرلەمانی کوردستان دەکرێت. بەهۆی ئەوەی بانگەشەی هەڵبژاردن بە رێگر لەبەردەم پەسەندكردنی پڕۆژەیاساكە دادەنرێت و ترس هەیە لایەنەکان بۆ بانگەشە بیقۆزنەوە، هەروەها بۆ ئەوەی پەسندکردنی پڕۆژەیاساکە چیدیکە دوانەکەوێت، سەرۆكی لیژنەی دارایی پەرلەمان پێشنیاز دەکات بەبێ بڕگەی خانەنشینی پلەباڵاكان پەسەند بكرێت.
رۆژی 28/2/2018 په‌رله‌مانی كوردستان، یاسای چاكسازی و خانه‌نشینی په‌سه‌ندكرد، به‌ڵام دوای بڵاوبوونه‌وه‌ی ناوه‌ڕۆكه‌كه‌ی، نیگه‌رانی و ناڕه‌زایی لێكه‌وته‌وه‌و چه‌ند لایه‌نێكی سیاسیش ئەو بابەتەیان وەك كاڵا بۆ ریكلام و بانگه‌شه‌ی سیاسی بەكاردەھێنا.
بۆ لە رۆژی 4/3/2018 پاش ئه‌وه‌ی ژماره‌یه‌ك فراكسیۆنی ناو په‌رله‌مانی كوردستان، یاداشتێكیان ئاراسته‌ی سه‌رۆكایه‌تی په‌رله‌مانی كوردستان كرد، دواتر هه‌ر یه‌كه له جێگری سه‌رۆكی په‌رله‌مان و سكرتێری په‌رله‌مانی كوردستان، له كۆنگره‌یه‌كی رۆژنامه‌وانیدا رایانگه‌یاند: "به‌هۆی ئه‌وه‌ی سه‌رنج و نیگه‌رانی له‌سه‌ر چه‌ند بڕگه و مادده‌یه‌كی یاساكه هه‌یه، بۆیه بڕیارمانداوه یاساكه ره‌تكه‌ینه‌وه‌و جارێكی دیكه له‌ناو هۆڵی په‌رله‌مانی كوردستان پێداچوونه‌وه‌ی بۆ بكه‌ین".
کۆمێنت (0)
تا ئێستا هیچ کۆمێنتێک نەکراوە.