لە بانكێكی عێراق دوو كەس دەستگیر کران، كە دەستیان لە دزینی 18 ملیار دیناری سامانی گشتی هەبووە.
فەرمانگەی لێكۆڵینەوەی دەستەی نەزاهەی عێراق ڕایدەگەیەنێت: لە لقێكی بانكی ڕەشید بڕی 18 ملیار دینار دیار نامێنێت و دوو كارمەندی بانكەكەش دەستگیركران كە دانیان بە تاوانەكەیاندا ناوە.
فەرمانگەی لێكۆڵینەوەی دەستەی نەزاهەی عێراق ئەمڕۆ یەك شەممە لەبەیاننامەیەكدا ڕایگەیاند: لە لقی بازرگانی بانكی ڕەشید بڕی 18 ملیار دینار دیار نامێنێت و دوو كارمەندی بانكەكەش تۆمەتبارن بە دیارنەمانی ئەو پارەیە و بەبڕیاری دادگا دەستگیركراون.
لەبەیاننامەكەدا ئەوەش هاتووە: لەئێستادا لێكۆڵینەوە لەو كەیسە دەستی پێكردەوە و تۆمەتبارەكان دانیان بە تاوانەكەیاندا ناوە و بەپێی ماددەی 315 لەیاسای عێراق لێكۆڵنەوەیان لەگەڵدا دەكرێت.
کۆمێنت (0)
تا ئێستا هیچ کۆمێنتێک نەکراوە.