رای ولیكێنز ئه‌ستێره‌ى تۆپى پێى ئینگلیزى ، له‌ته‌مه‌نى شه‌ست و یه‌ك ساڵیدا كۆچى دوای كرد
ئه‌ستێره‌ی ناوبراو ئه‌م ئێواره‌یه له‌یه‌كێك له‌نه‌خۆشخانه‌ى سانت جۆرج كۆچى دوای كرد ، به‌پێى ڕاپۆرته پزیشكیه‌كان كه‌بڵاوكراوه‌ته‌وه كۆچى دواییه‌كه‌ى ناوبراو به‌هۆى دووچارى تووش بوونى به‌نه‌خۆشى دڵه‌وه بووه ، كه‌بارى ته‌ندروستى تێك داوه له‌ڕۆژى شه‌ممه‌ى رابردوو گواستراوه‌ته‌وه بۆ نه‌خۆشخانه ، وێڕاى چاره‌سه‌رى پێویست بۆى له‌لایه‌ن پزیشكانه‌وه بارى ته‌ندروستى باش نه‌بووه ، له‌ئێواره‌ى ئه‌مڕۆ چوارشه‌ممه به‌هۆى باش نه‌بوون و وه‌ستانى دڵى ئه‌ستێره ئینگلیزیه‌كه كۆچى دوایى كرد
ده‌سته‌ى وه‌رزشوانه دێرینه‌كانى ئینگلته‌را له‌په‌یجى تایبه‌ت به‌خۆیان له‌تۆڕى كۆمه‌ڵایه‌تى توێته‌ر : نیگه‌رانى خۆیان به‌كۆچى دوای ئه‌ستێره‌ى تۆپى پێى ئینگلته‌را ده‌ڕبرى ، كه‌ناوبراو یاریزانى هێلى ناوه‌راست بووه له‌ڕیزى هه‌ڵبژارده‌دا له‌سالانى 1976 تا 1986 ، له‌به‌یانه فه‌رمیه‌كه‌ى ده‌سته‌دا سه‌ره‌خۆشى له‌كه‌س و كار و هاوڕێ و وه‌رزشوانان ده‌كه‌ن به‌هۆى ئه‌م كۆچه‌وه .
ئه‌ستێره كۆچ كردووه‌كه‌ى ئینگلیز ، بۆ ماوه‌ى 10 ساڵ له‌ڕیزى هه‌ڵبژارده‌ى تۆپى پێى ئینگلته‌را بووه ، وه‌به‌شدارى له 84 یاری نێو ده‌وله‌تیدا كردووه له‌ساڵانى 1976 تا 1986
شوان عه‌زیز
کۆمێنت (0)
تا ئێستا هیچ کۆمێنتێک نەکراوە.