وه‌زاره‌تى ده‌ره‌وه‌ى سعوودیه هه‌والى ژماره‌یه‌ك میدیاى به درۆ خسته‌وه‌و رايگه‌یاند" محه‌مه‌د بن سه‌لمان جێنشینی شاى سعوودیه له به‌رنامه‌یدا نییه به‌م زووانه سه‌ردانى عێراق بكات .
وه‌زاره‌تى ده‌ره‌وه‌ى سعوه‌ودیه له به‌یاننامه‌یه‌كدا ره‌تى كرده‌وه كه محمه‌د بن سه‌لمان سه‌ردانى عێراق بكات و رایگه‌یان" ئه‌و هه‌واله‌ى له‌مباره له چه‌ند میدیایه‌ك بلاو كرایه‌وه كه گوایه ناوبراو سه‌ردانى به‌غدا ده‌كات ، هیچ راستى بۆى نییه.
تێزانین دوێنێ هەینی 30-3-2018، خۆپیشاندان لە شەقامی فەڵەستینی شاری بەغدا دژی سەردانە چاوەڕوانکراوەکەی محەممەد بن سەلمان، شازادەی جێنشینی شای سعودیە بۆ عێراق سازكراو داوایان كرد ناوبراو سه‌ردانى عێراق نه‌كات، بۆیه ره‌نگه ئه‌و رووداوه كاریگه‌رى هه‌بووبێت له سه‌ر به درۆ خستنه‌وه‌ى سه‌ردانه‌كه‌ى ناوبراو بۆ عێراق.
کۆمێنت (0)
تا ئێستا هیچ کۆمێنتێک نەکراوە.