چه‌ند ئاژانسێكى هه‌وال، بلاویان كرده‌وه ، كه دوێنێ پێنجشەممە دوو فڕۆکەی جەنگیی ئیسرائیل له جورى F35 ، بەسەر ئاسمانی ئێراندا سووڕاونەتەوە، بەبێ ئەوەی هێزى ئاسمانی ئێران ئاگادارى ئه‌و رووداوه‌بن، كه دواتر هه‌ردوو فرۆكه‌كه گەڕاونەتەوە ئیسرائیل.
دوو فڕۆکەكه‌ى ئیسرائیل لەڕێگەی ئاسمانی سووریا و عێراقەوە، چوونەتە ناو خاکی ئێران و چەندین شوێنیان لە پارێزگاکانی "شیرازو بەندەر عەباس و ئه‌سفەهان" وێنە گرتووەو دواتر به بێ هیچ كێشه‌و ته‌گه‌ره‌یه‌ك له‌لایه‌ن ڕادارانى ئێران، گه‌راونه‌ته‌وه وولاته‌كه‌ى خۆیان.
ڕۆژنامەی "جیروزه‌لم پۆست"ی ئیسرائیل، ئاشكراى كرد ، كه فڕۆکە جەنگییەکانی ئیسرائیل بە بەرزاییه‌كى زۆر بەسەر ئاسمانی کەنداودا تێپه‌ریون و بەسەر ئەو ناوچانەدا سووڕاونەتەوە کە بنکە ناوکییەکانی ئێرانیان تێدایه، به‌لام هیچ لایه‌ك نەیانتوانیوە هه‌ست به دزه‌كردنى هه‌ردوو فرۆكه‌كه بکەن.
کۆمێنت (0)
تا ئێستا هیچ کۆمێنتێک نەکراوە.