هه‌ردوو هونه‌رمه‌ندی كورد ( عه‌زیز وه‌یسی و دلبه‌ر جه‌زیری ) گۆرانییه‌كی تازه به شێوه‌ی ڤیدیۆ كلیپ بڵاوده‌كه‌نه‌وه .
ده‌رباره‌ی بیرۆكه‌ی دروستبوونی ئه‌م گۆرانییه به شێوه‌ی دوێت ، هونه‌رمه‌ند " عه‌زیز وه‌یسی " ئاشكرایده‌كات ، دوای ئه‌وه‌ی له‌گه‌ل " دلبه‌ر " ئاهه‌نگیكیان سازدا به بۆنه‌ی سه‌ری ساڵی 2018 له وڵاتی ئه‌ڵمانیا بیرۆكه‌ی ئه‌وه‌یان لا دروست بوو كه كلیپێك به شێوه‌ی دوێت ئه‌نجامبده‌ن .
ناوبراو وتیشی ،كاره‌كانی تۆماركردنی ئه‌م كلیپه‌ی له كرماشان ته‌واو كردووه ، دلبه‌ر به‌شه‌كه‌ی خۆی له ئه‌لمانیا تۆماركردووه و كلیپیشی كردووه و بریاره له‌م نزیكانه بۆ " وه‌یسی " بنێرێت تا تێكه‌ڵ به‌یه‌كتری بكه‌ن و بڵاویبكه‌نه‌وه .
دلبه‌ر جه‌زیری خه‌لكی باكووری كوردستان و خاوه‌نی ژماره‌یه‌ك له ڤیدیۆ كلیپ و ئه‌لبومێكی گۆرانییه .
کۆمێنت (0)
تا ئێستا هیچ کۆمێنتێک نەکراوە.