سه‌ركۆماری توركیا رایده‌گه‌ێنێ، ئه‌گه‌ر ئیداره‌ی ناوه‌ندی عێراق، په‌كه‌كه له شنگال له‌ناو نه‌بات ئه‌وا ئێمه په‌كه‌كه له‌و شوێنه له‌ناو ده‌به‌ین.
ره‌جه‌ب ته‌یب ئه‌ردۆغان، سه‌ركۆماری توركیا رایگه‌یاند: په‌كه‌كه له عێراق ده‌ستی به جموجۆل كردووه.
هاوكات گوتیشی: ئه‌گه‌ر ئیداره‌ی ناوه‌ندی عێراق، په‌كه‌كه له شنگال له‌ناو نه‌بات ئه‌وا ئێمه په‌كه‌كه له‌و شوێنه له‌ناو ده‌به‌ین.
هه‌روه‌ها ئه‌ردۆغان له‌باره‌ی شارۆچكه‌ی عه‌فرینه‌وه گوتی: ناوه‌ندی شارۆچكه‌ی عه‌فرین كۆنترۆڵكرا. به‌خێرایی ده‌ستمان به چاككردنه‌وه‌ی خوێندنگه‌كانی كرد، هه‌موو نه‌خۆشخانه‌كانیش چاكده‌كه‌ینه‌وه. به‌ڕێوه‌بردنی ئه‌وێ له‌ژێر كۆنترۆڵی خۆماندا ده‌بێت و ساتێك زووتر كه‌شێكی ئارامی بۆ ده‌سته‌به‌رده‌كه‌ین.
سه‌ركۆماری توركیا، باسی له‌ناردنی چه‌ك له لایه‌ن ئه‌مریكاوه بۆ سنووری سووریا-توركیا كرد و گوتی: ٩١١ كیلۆمه‌تر سنوورمان له‌گه‌ڵ سووریا هه‌یه، ٣٥٠ كیلۆمه‌تریش سنوورمان له‌گه‌ڵ عێراق هه‌یه، بۆچی ئه‌و چه‌كانه بۆ ئێره ده‌هێنن؟ ، كه‌واته له‌ودیو ئه‌و سنووره توركیا هه‌یه و ده‌بێت ئه‌و چه‌كانه دژی توركیا یان ئێران به‌كاربهێنیت، مه‌به‌ستێكی دیكه‌ی نییه، ناتوانێت له‌گه‌ڵ رووسیا بچێته كارێكی له‌و جۆره.
ئاماده‌كردنی: رزگار
سه‌رچاوه ئه‌نادۆڵۆ
کۆمێنت (0)
تا ئێستا هیچ کۆمێنتێک نەکراوە.