له چوارچێوه‌ی سه‌ردانه‌كه‌یاندا بۆ ده‌ره‌وه‌ى وڵات، دوای ئه‌وه‌ی شاندی په‌رله‌مانی كوردستان سه‌ردانی ده‌ره‌وه‌ی ولاتی كرد له خانه‌ی ئه‌نجوومه‌نی سناتی فه‌ڕه‌نسا، له‌گه‌ڵ ژماره‌یه‌ک سیناتۆری فه‌ڕه‌نسی و سه‌رۆکی لیژنه‌ی به‌رگری و لیژنه‌ی په‌یوه‌ندیی ده‌ره‌وه و سه‌رۆکی گرووپی دۆستایه‌تیی فه‌ڕه‌نسا و کوردستان له ئه‌نجوومه‌نی سنات کۆبۆوه .
له سه‌ره‌تای کۆبوونه‌وه‌که‌دا شاندی په‌رله‌مان سوپاس و ستایشی په‌رله‌مان و خه‌ڵکی کوردستانیان له رێگه‌ی سیناتۆره‌کانه‌وه پێشکه‌ش به حکومه‌ت و گه‌لی فه‌ڕه‌نسا کرد، بۆ پشتیوانی و پشتگیریان له‌گه‌لی کوردستان .
هه‌ر له بڕیاری 688ـی ئه‌نجوومه‌نی ئاسایشی نه‌ته‌وه یه‌كگرتوه‌كان و دیپلۆماسی له‌سه‌ر کوردستان که فه‌ڕه‌نسا ڕۆلی گرنگی هه‌بووه تا شه‌ڕی تیرۆریستانی داعش و پاشان هه‌ڵگرتنی گه‌مارۆكانی به‌غدا له‌سه‌ر هه‌رێمی كوردستان .
هه‌روه‌ها هه‌ر له کۆبوونه‌وه‌که‌دا به وردی باس له دۆخی عه‌فرین و کاره‌ساتی مرۆیی عه‌فرین و ناوچه‌که کرا و داوا له فه‌ڕه‌نسا کرا ڕۆڵی خۆی بگڕێ له وه‌ستاندنی ئه‌و کاره‌ساته مرۆییه و هاوکاریکردنی لێقه‌ومان.
شیاوی ئاماژه‌پێدانیشه هه‌ڵبژاردنه‌كانی عێراق و ئاینده‌ی عێراق و کوردستان و شه‌ری تیرۆریستانی داعش ته‌وه‌رێكی دیكه‌ی گفتوگۆکان بوو .
کۆمێنت (0)
تا ئێستا هیچ کۆمێنتێک نەکراوە.