له گوندی ئیسماوای سه‌ر به قه‌زای به‌رده‌ره‌ش پیاوێكی ته‌مه‌ن 59 ساڵان ده‌سترێژی فیشه‌ك ده‌كاته سه‌ر ژن و منداڵه‌كانی و به هۆیه‌وه ژنه‌كه‌ی و منداڵێكی ده‌كوژێت و منداڵێكی تریشی بریندار ده‌كات
هێمن سلێمان گوته‌بێژی پۆلیسی پارێزگای دهۆك له‌باره‌ی ئه‌و رووداوه به كوردستان تیڤی راگه‌یاند: كاتژمێر 2ی دوای نیوه‌رۆی ئه‌مرۆ ئاگادار كراینه‌وه له رووداوێكی ده‌سترێژی فیشه‌كی پیاوێك بۆ سه‌ر خێزانه‌كه‌ی.
راشیگه‌یاند: دوا به‌دوای چوونی هێزه‌كانی پۆلیسی تاوان بۆ شوێنی رووداوه‌كه ده‌ركه‌وت كه پیاوێك ژن و منداڵه‌كه‌ی خۆی داوه‌ته به‌ر ده‌سترێژی فیشه‌ك و به‌هۆیه‌وه ژنه‌كه‌ی و منداڵێكی ده‌كوژێت و منداڵێكی تریشی بریندار ده‌كات و برینی منداڵه‌كه سوكه و گولله به‌ر ده‌ستی كه‌وتووه‌و مه‌ترسی بۆ سه‌ر ژیانی نییه.
راشیگه‌یاند: لێكۆڵینه‌وه له رووداوه‌كه ده‌ستی پێكردووه‌و په‌راوی لێكۆلینه‌وه بۆ رووداوه‌كراوه‌ته‌وه‌و به پێی زانیارییه سه‌ره‌تاییه‌كانی پۆلیس ئه‌و پیاوه نه‌خۆشی ده‌روونی هه‌یه‌و دوای ئه‌نجامدانی رووداوه‌كه به‌ره‌و شوێنێكس نادیار هه‌ڵاتووه‌و پۆلیس به شوێنیدا ده‌گه‌رێت.
کۆمێنت (0)
تا ئێستا هیچ کۆمێنتێک نەکراوە.