گوته‌بێژی یه‌كێتی نیشتمانی كوردستان رایده‌گه‌ێنێ، ده‌سته‌یه‌كی نوێ به سه‌رپه‌رشتی كۆسره‌ت ره‌سول جێگری سكرتێری گشتی بۆ به‌ڕێوه‌به‌ردنی یه‌كێتی تاوه‌كو ئه‌نجامدانی كۆنگره‌ی داهاتوو هه‌ڵبژێردرایه‌وه.
سه‌عدی ئه‌حمه‌د پیره ، له كۆنگره‌یه‌كی رۆژنامه‌وانیدا دوای كۆبوونه‌وه‌ی ئه‌نجوومه‌نی سه‌ركردایه‌تی رایگه‌یاند: له كۆبونه‌وه‌كه‌ی ئه‌مرۆدا ده‌سته‌یه‌كی نوێ به سه‌رپه‌رشتی كۆسره‌ت ره‌سول، جێگری سكرتێری گشتی بۆ به‌ڕێوه‌به‌ردنی یه‌كێتی تاوه‌كو ئه‌نجامدانی كۆنگره‌ی داهاتوو هه‌ڵبژێردراوه كه زۆربه‌یان ئه‌ندامانی پێشووی مه‌كته‌بی سیاسین.
گوتیشی: ئێواره‌ی ئه‌مڕۆ شه‌ممه ده‌سته نوێكه به سه‌رپه‌رشتی كۆسره‌ت رسول عه‌لی كۆده‌بێته‌وه.
ئه‌ندامانی نوێی مه‌كته‌بی سیاسی یه‌كێتی بریتین له : كۆسره‌ت ره‌سول عه‌لی، هێرۆ ئیبراهیم ئه‌حمه‌د، مه‌لا به‌ختیار، حاكم قادر حه‌مه جان ، عومه‌ر فه‌تاح ، سه‌عدی ئه‌حمه‌د پیره، مه‌حموود سه‌نگاوی، شێخ جه‌عفه‌ر شێخ مسته‌فا، ره‌فعه‌ت عه‌بدوڵڵا، رزگار عه‌لی، ئاسۆ ئه‌ڵمانی، قادر عه‌زیز، عه‌دنان موفتی، شۆڕش ئیسماعیل ، ئه‌رسه‌لان بایز.
کۆمێنت (0)
تا ئێستا هیچ کۆمێنتێک نەکراوە.