ئاوازدانه‌ری ناسراوی كورد " هه‌ڵكه‌وت زاهیر " ئاشكرایده‌كات كه به‌م نزیكانه هونه‌رمه‌ند " میرا " دوو ڤیدیۆ كلیپی تازه بڵاوده‌كاته‌وه .
ئه‌و ئاوازدانه‌ره كه سه‌رقاڵی ئه‌نجامدانی كاره‌كانی ئه‌م دوو كلیپه‌یه ده‌ڵێت ، یه‌كێك له گۆرانییه تازه‌كانی هونه‌رمه‌ند " میرا " به ناوی " له ناو ماچێكدا " یه كه دكتۆر " ئاراس عه‌بدولكه‌ریم " تێكسته‌كه‌ی نووسیوه و " هه‌ڵكه‌وت زاهیر " خۆیشی اوازی بۆ داناوه ، كاری دابه‌شكردنی میوزیكی گۆرانییه‌كه له لایه‌ن " هێمن حوسێن " ئه‌نجامدراوه و " و هونه‌رمه‌ند " محه‌مه‌د جه‌میل " یش كاری ده‌رهێنانی بۆ ڤیدیۆ كلیپه‌كه كردووه .
گۆرانی دووه‌می ئه‌م هونه‌رمه‌نده گۆرانییه‌كی ئاینییه ، بریاره به‌م نزیكانه كاری كلیپیكردنی بۆ بكرێت و له مانگی ره‌مه‌زانی ئه‌مساڵدا بڵاوبكرێته‌وه .
جێی باسه " میرا " خاوه‌نی ژماره‌یه‌ك له ڤیدیۆ كلیپ و ئه‌لبوومی گۆرانییه ، زۆربه‌ی كاره هونه‌رییه‌كانی به هاوكاری " هه‌ڵكه‌وت زاهیر " ئه‌نجام ده‌دات .
کۆمێنت (0)
تا ئێستا هیچ کۆمێنتێک نەکراوە.