دوای سێ شکستى له‌پریمه‌رلیگ ئارسناڵ بردنه‌وه‌ى به‌ده‌ست هێنا له‌یارى ئه‌م هه‌فته‌ی

له‌میانى یارییه‌كانى هه‌فته‌ى 30 ى خولى نایابى ئینگلیزى ، ئێواره‌ى ئه‌مڕۆ یه‌ك  شه‌ممه‌ ئارسناڵ له‌به‌رده‌م هه‌وادار و له‌یاریگاكه‌ى میواندارى واتفۆردى كرد .
یانه‌ى ئارسناڵ له‌كاتێك ئه‌و یارییه‌ى ئه‌نجامدا به‌ئاستێكى ناجێگیر و خراپ تێپه‌ڕ ده‌بوو له‌یارییه‌كانى پێشووى به‌شى شكست بووه‌ 
له‌یارى ئه‌م هه‌فته‌ی توانى سه‌ركه‌وتنێكى باش تۆمار بكات كاتێك به‌ئه‌نجامى سێ گۆلى بێ به‌رامبه‌ر براوه‌ى یاریه‌كه‌ بوو ، ئارسناڵ گه‌یشته‌وه‌ به‌سه‌ركه‌وتن دوای شكسته‌كانى له‌یارییه‌كانى هه‌فته‌ی پێشووى
گۆله‌كانى ئارسناڵ له‌م یاریه‌ له‌ڕێگاى یاریزانان  شكۆدران موستافى ،  ئۆبامینانگ گابۆن ،  هینریك میختاریانى له‌خوله‌كه‌كانى 8 ، 59 ، 77 تۆمار كران 

به‌براوه‌ بوونى ئارسناڵ ئه‌و یانه‌یه‌ له‌پریمه‌رلیگ  له‌ئێستادا خاوه‌ن 48 خاڵه‌ له‌پله‌ى شه‌شه‌مى ڕیزبه‌ندى دایه‌ ، یانه‌ى واتفۆردیش خاوه‌ن 36 خاڵه‌ له‌ پله‌ى ده‌یه‌مى ڕیزبه‌ندیه‌
ئا: شوان عه‌زیز