له‌میانى به‌ڕێوه‌چوونى یارییه‌كانى هه‌فته‌ى بیست و هه‌شتى خولى پله‌یه‌كى ئیسپانیا ، ئێواره‌ى ئه‌مرۆ شه‌ممه ریال مه‌درید بووه میوانى ئیبار .
ریال مه‌درید به‌سه‌ركردایه‌تى رۆنالدۆى ئه‌ستێره‌ى یانه‌كه براوه بوو به‌سه‌ر یانه‌ى خاوه‌ن یاریگا به‌ئه‌نجامى دوو گۆل له‌به‌رامبه‌ر گۆلێك ،
له‌یاریه‌كى زه‌حمه‌تدا بۆ قه‌ڵاى سپى كاتێك تا خوله‌كه‌كانى پێش كۆتای یانه مه‌دریدیه‌كه ئه‌نجامى یاریه‌كه‌ى یه‌كسان بوون بوو به‌گۆلێك بۆ هه‌ردوولا ، خوله‌كى 84 رۆنالدۆ ئه‌نجامی یارییه‌كه‌ى گۆڕی به‌تۆماركردنى گۆلى دووه‌مى بۆ یانه‌كه‌ى پاش ئه‌وه‌ى له‌تایمى یه‌كه‌م له‌خوله‌كى 34 گۆلى یه‌كه‌مى تۆمار كرد ، دۆن ڕزگار كه‌رى ریال بوو توانى براوه بوون پێش كه‌ش بكات به‌یانه‌كه‌ى بكات و ده‌سته‌به‌رى سێ خاڵێ یاریه‌كه بكات ، تاكه گۆلى ئیبار له‌ڕێگاى یاریزان ئیڤان رامیس له‌خوله‌كى 50 تۆمار كرا .
ریاڵ مه‌درید به‌براوه‌بوونى له‌م یارییه كۆى خاڵه‌كانى بوو به 57 خاڵ له‌پله‌ى سێیه‌مى ڕیزبه‌ندى خوله‌كه‌یه .
ئیبار له‌ڕیزبه‌ندى خوله‌كه له‌پله‌ى هه‌شته‌مه و خاوه‌ن 39 خاڵه
ئاماده‌كردن : شوان عه‌زیز
کۆمێنت (0)
تا ئێستا هیچ کۆمێنتێک نەکراوە.