كاتژمێرێك دوای ئه‌وه‌ی كه هه‌واڵێك سه‌باره‌ت به هێرش بۆسه‌ر باڵیۆزخانه‌ی كۆماری ئیسلامیی ئێران له له‌نده‌ن بڵاوكرایه‌وه، حه‌مید به‌عیدی نه‌ژاد باڵیۆزی ئێران له پایته‌ختی به‌ریتانیا، رایگه‌یاند كه پۆلیسی ئه‌م شاره هێرشبه‌رانی ده‌ستگیر كردووه.
وێڕای ئه‌وه ئاژانسی هه‌واڵی ئیرنای ئێران له‌سه‌ر زاری وته‌بێژی وه‌زاره‌تی ده‌ره‌وه‌ی ئێرانه‌وه گواستییه‌وه كه ناوبراو ناڕه‌زایه‌تیی توندی حكومه‌تی ئێرانی به باڵیۆزی به‌ریتانیا له تاران راگه‌یاندووه.
باڵیۆزی ئێران له له‌نده‌ن رۆژی هه‌ینی له په‌یامێكی تویته‌ریدا رایگه‌یاند كه هێرشبه‌ران كه‌سانی لایه‌نگری " فیرقه‌ی شیرازی " بوونه، كه به گۆپاڵ و خه‌نجه‌ره‌وه هێرشیان بۆ باڵیۆزخانه‌ی وڵاته‌كه‌ی هێناوه.
ماڵپه‌ڕی " شه‌فه‌قنا " كه خۆی به " بنكه‌ی نێوده‌وڵه‌تیی هاوكارییه هه‌واڵییه‌كانی شیعه " ده‌ناسێنێت، له راپۆرتێكدا باسی له‌وه كردووه كه هێرشبه‌ران وه‌ك پشتیوانیی له بنه‌ماڵه‌ی ئایه‌توڵڵا سه‌ید ساق شیرازی و ده‌ربڕینی ناڕه‌زایه‌تیی بۆ ده‌ستگیركردنی سه‌ید حه‌سه‌نی كوڕی ناوبراو هێرشیان كردووه‌ته سه‌ر باڵیۆزخانه‌ی ئێران له شاری له‌نده‌ن.
سه‌رچاوه / ده‌نگی ئه‌مریكا
مه‌سعود / كوردستان تی ڤی
کۆمێنت (0)
تا ئێستا هیچ کۆمێنتێک نەکراوە.