دوای كۆچى دوای كاپتنه‌كه‌ى یانه‌ى فیۆرنتیناى ئیتاڵى له ڕۆژى شه‌ممه دایڤید ئاستۆرى له به‌یانیه‌كى زوو مردنى ڕاگه‌یاندرا ، دواتر به‌هۆى كۆچى دوای یاریزانى ناوبراو به‌بریارێكى فه‌رمى یه‌كێتى تۆپى پێى ئیتاڵیا ته‌واوى یارییه‌كانى هه‌فته دواخرا بۆ كاتێكى دیكه وه‌ك ڕێزو وه‌فایه‌ك بۆ ئاستۆرى.
كۆچى دوای ئاستۆرى نیگه‌رانى و په‌رۆشى له‌سه‌ر ئاستى جیهان دروست كرد تایبه‌ت یاریزانان و یانه‌كان له ئه‌وروپا له یاریه‌كانیان له خوله‌كان بۆچه‌ند ساتێك بێده‌نگى و هاوخه‌میان ده‌رده‌بڕى بۆ ماڵئاوای ئاستۆرى.
ئه‌مڕۆ پێنج شه‌ممه له‌مه‌راسیمێكدا له‌شارى فلۆرێنسا له‌گۆڕه‌پانى سانتا كروچ ، ماڵئاوای له‌ئاستۆرى كرا به‌ئاماده‌بوونى یاریزانانى یانه‌كه‌ى و دۆست و هاوڕێ و یاریزانانى دیكه له‌یانه‌كانى خولى ئیتاڵیا و كه‌سایه‌تیه وه‌رزشیه‌كان و هه‌وادارانى وه‌رزشى ماڵئاوای یه‌كجارى له‌ته‌رمى داڤید ئاستۆرى كرا.
هۆكارى مردنى ئاستۆرى به‌پێى سه‌رچاوه راگه‌یاندنه‌كان به‌هۆى جه‌ڵته‌ى دڵه‌وه كۆچى دوای كردووه
ئاماده‌كردن : شوان عه‌زیز.
کۆمێنت (0)
تا ئێستا هیچ کۆمێنتێک نەکراوە.