پاڵه‌وانێتی ماسته‌ر كڵاپ به كۆتاهات ، پێشمه‌رگه‌ی سلێمانی دووه‌م بوو
له شاری كه‌ره‌جی وڵاتی ئێران و له دوایی ململانێی به‌هێزی سه‌دان یاریزانی به‌شداری پاڵه‌وانێتی نێو ده‌وڵه‌تی كاراتێی ماسته‌ر كڵاپ ، یاریزانانی پێشمه‌رگه توانیان چه‌ندان میدالیایی ئاڵتون و زیوو برۆنز به‌ده‌ست بهێنن و پله‌ی دووه‌میان بۆ هه‌ڵبژارده‌ی عێراق به ده‌ست هێنا .
له ئه‌نجامی یاریه‌كانی كۆتا ڕۆژی پاڵه‌وانێتیه‌كه یاریزانانی پێشمه‌رگه توانیان چه‌ندین ئه‌نجامی كاریگه‌ر و به‌ر چاو به‌ده‌ست بهێنن به‌م شێوه‌یه :
محه‌مه‌د عیسام پله‌ی یه‌كه‌می كۆمیته ، شاهین ته‌ها پله‌ی دووه‌م له‌سه‌ر ئاستی تاك بۆ یاری كاتا ، ئه‌حمه‌د جه‌لال پله‌ی سێهه‌م له كاتایی خوار ته‌مه‌ن 21 ساڵ .
ڕابه‌ر مه‌ولود له كۆمیته‌ی پێشكه‌وتوان پله‌ی سێهه‌م و محه‌مه‌د مه‌حمود پله‌ی سێهه‌م له‌سه‌ر ئاستی پێشكه‌وتوان بۆ یاری كۆمیته .
به‌و ئه‌نجامانه‌ش ، تیپی كاراتێی یانه‌ی پێشمه‌رگه توانی 5 میدالیایی ئاڵتون و 8 میدالیایی زیوو 11 میدالیایی برۆنز به‌ده‌ست بهێنێت .
هه‌روه‌ك هه‌ڵبژارده‌ی كاراتێی وڵاتی ئازه‌ر باینجان به 4 میدالیایی ئاڵتون و 6 زیوو 8 برۆنز پله‌ی سێهه‌می مسۆگه‌ر كرد .
ئه‌نجامی كۆتایی تیمیش به‌م شێوه‌یه بوو :
هه‌ڵبژارده‌ی ئێران پله‌ی یه‌كه‌م
تیپی كاراتێی یانه‌ی پێشمه‌رگه به نوێنه‌رایه‌تی عێراق پله‌ی دووه‌م
هه‌ڵبژارده‌ی ئازه‌ر باینجان پله‌ی سێهه‌م
کۆمێنت (0)
تا ئێستا هیچ کۆمێنتێک نەکراوە.