رۆژنامه‌ى "حه‌یات"ى چاپى له‌نده‌نى، له زارى فه‌رمانده‌یه‌كى حه‌شدى شه‌عبى له پارێزگاى ئه‌نبار بڵاویكرده‌وه، كه به‌پێى زانیارییه هه‌واڵگرییه‌كان سه‌باره‌ت به ئه‌گه‌رى دزه‌كردنى نزیكه‌ى 3 هه‌زار تیرۆرستى داعش له سوریاوه بۆ ناو خاكى عیراق، حه‌یده‌ر عه‌بادى سه‌رۆك وه‌زیران له‌گه‌ڵ فه‌رمانده سه‌ربازییه‌كان كۆبووته‌وه، به مه‌به‌ستى گرتنه‌به‌رى رێوشوێنى ئه‌منی توند له‌سه‌ر سنوورى هاوبه‌شى نێوان عیراق و سووریا.
فه‌رمانده‌كه‌ى حه‌شدى شه‌عبى كه ناوى ئاشكرا نه‌كراوه، بۆ رۆژنامه‌كه وتوویه‌تى" نزیكه‌ى 3 هه‌زار چه‌كدارى داعش به‌نیازن له سووریاوه دزه بكه‌نه ناو خاكى عیراق و رێوشوێنى ئه‌منی توندنیش له‌سه‌ر سنووره‌كانى نێوان هه‌ردوو وڵات گیراوه‌ته‌به‌ر.
به وته‌ى فه‌رمانده‌كه‌ى حه‌شدى شه‌عبى، ئۆپراسیۆنه سه‌ربازییه‌كان له‌سه‌ر سنوورى نێوان عیراق و سووریا به‌رده‌وام ده‌بن و رێگه نادرێت تیرۆرستانى داعش له‌و وڵاته‌وه دزه بكه‌نه ناو خاكى عیراق.
کۆمێنت (0)
تا ئێستا هیچ کۆمێنتێک نەکراوە.