به كۆتایی هاتنی هه‌ڵبژاردنه‌كانی ئیتاڵیا له رۆژی یه‌كشه‌ممه‌دا، راپرسییه‌ك له هاوڵاتییان ئه‌وه ئاشكرا ده‌كات كه ئه‌گه‌ری هه‌یه هیچ یه‌ك له حزبه‌كانی به‌شداری پرۆسه‌كه نه‌توانن له په‌رله‌ماندا رێژه‌ی كورسیی پێویست بۆ پێكهێنانی كابینه‌ی نوێی حكومه‌ت به‌ده‌ست بهێنن.
به‌ڵام هه‌ر به‌گوێره‌ی راپرسییه‌كه پێده‌چێ هاوپه‌یمانیی ده‌ستی راستی میانه‌ڕه‌وی سیلڤیۆ برلسكۆنی سه‌رۆك وه‌زیرانی پێشووی ئیتاڵیا براوه‌ی زیاترین كورسییه‌كان بێت.
ئه‌نجامی راپرسییه‌كه ئه‌وه‌ش ده‌رده‌خات كه ئه‌م هاوپه‌یمانییه ده‌توانێ 225 تا 265 كورسیی به‌ده‌ست بهێنێت كه ئه‌م رێژه‌یه‌ش كه‌متره له زۆرینه‌ی یه‌كلاكه‌ره‌وه‌ی كورسییه‌كان كه بریتییه له 316 كورسیی.
به‌رپرسانی حكومه‌تی ئیتاڵیا رایگه‌یاند كه %58 هاوڵاتییان به‌شداری پڕۆسه‌كه بوونه و تا كاتژمێری 11ـی شه‌ویش سندوقه‌كان به‌ڕووی هاوڵاتییاندا كراوه‌بوون.
سه‌رچاوه / بی بی سی
مه‌سعود / كوردستان تیڤی
کۆمێنت (0)
تا ئێستا هیچ کۆمێنتێک نەکراوە.