چین و توێژه‌كان و جه‌ماوه‌ری ده‌ڤه‌ری زاخۆ سه‌ردانی مه‌زاری نه‌مرانیان كرد و به‌ڵین و وه‌فایان دووپاتكرده‌وه كه هه‌میشه قوتابی و درێژه‌پێده‌ری رێبازی پیرۆزی بارزانی بن.
ئه‌مڕۆ یه‌كی ئادار یادی سیی و نۆ ساڵه‌ی كۆچی دوایی رێبه‌ری نه‌ته‌وه‌یی و رابه‌ری بزوتنه‌وه‌ی رزگاریخوازیی كوردستان مسته‌فا بارزانیی نه‌مره .
له یه‌كی ئاداری ساڵی 1979 مسته‌فا بارزانیی نه‌مر باوكی رۆحی نه‌ته‌وه‌یی كورد كۆچی دوایی كرد .
هه‌موو ساڵێك له‌و یاده‌دا چین و توێژه‌كانی كوردستان و ده‌ره‌وه‌ی كوردستان سه‌ردانی مه‌زاری نه‌مران له بارزان ده‌كه‌ن و به‌ڵێن و سۆزی خۆیان بۆ رێبازی پیرۆزی بارزانی كه رێبازی كوردایه‌تی و برایه‌تی و پێكه‌وه‌ژیان و ئاشتی و یه‌كسانی و دادپه‌روه‌رییه دووپات ده‌كه‌نه‌وه.
له‌و یاده خه‌مناكه‌دا جه‌ماوه‌ر و چین و توێژه‌كانی ده‌ڤه‌ری سۆران سه‌ردانی مه‌زاری نه‌مرانیان له بارزان كرد و سۆز و وه‌فای خۆیان بۆ رێبازی بارزانی دووپات كرده‌وه .
هه‌روه‌ها چین و توێژه‌كان و جه‌ماوه‌ری ده‌ڤه‌ری زاخۆ سه‌ردانی مه‌زاری نه‌مرانیان كرد و به‌ڵین و وه‌فایان دووپاتكرده‌وه كه هه‌میشه قوتابی و درێژه‌پێده‌ری رێبازی پیرۆزی بارزانی بن و له خه‌بات و تێكۆشان بۆ گه‌یشتن به مافه سروشتی و ره‌واكانی گه‌لی كوردستان به‌رده‌وام بن .
هه‌ر ئه‌مرۆ ئه‌كادیمیای عه‌سكه‌ریی زاخۆ سه‌ردانی مه‌زاری نه‌مرانیان كرد و په‌یمانیان بۆ رێبازی پیرۆزی بارزانی دووپاتكرده‌وه .
هه‌ر ئه‌مرۆ به‌شێكی دیكه‌ی چین و توێژه‌كانی كوردستان سه‌ردانی مه‌زاری نه‌مرانیان كرد، خه‌ڵات بارزانی نوێنه‌ری سه‌رۆك بارزانی و لیژنه‌ی پێشوازی له پێشوازیی جه‌ماوه‌ر و چین و توێژه‌كانی كوردستان بوون .
کۆمێنت (0)
تا ئێستا هیچ کۆمێنتێک نەکراوە.