له‌میانه‌ى یارییه‌كانى به‌ڕێوه‌چوونى خولى پله‌یه‌كى ئیسپانیادا ، له هه‌فته‌ى 26ـى خوله‌كه یانه‌ى ئه‌تله‌تیكۆ مه‌درید به‌چوار گۆلى بێ به‌رامبه‌ر براوه‌بوو به‌سه‌ر لیگانس .
گۆله‌كانى یانه ئه‌تله‌تیكۆ مه‌درید له‌و یارییه‌دا له ڕێگاى ئه‌ستێره‌ى یانه‌كه گریزمانه‌وه تۆمار كرا له‌خوله‌كه‌كانى 26 -35-56-67 .
به‌م سوپه‌رهاتریكه‌ى گریزمان كۆى گۆڵه‌كانى ئه‌م ئه‌ستێره‌یه له سه‌رجه‌م خول و پاڵه‌وانێتیه‌كاندا له‌گه‌ڵ یانه‌كه‌یدا گه‌یاند به 103 گۆڵ .
وه‌ئه‌م ئه‌ستێره‌یه له دوو یارى رابردووى له‌گه‌ل یانه‌كه‌ی حه‌وت گۆڵى تۆمار كردووه .
به‌هۆى پێشكه‌شكردنى ئه‌م ئاسته‌ى گریزمان بووه‌ته هۆى ئه‌وه‌ى چاوى زۆر یانه‌ى له‌سه‌ر بێت كه بتوانن به‌ده‌ستى بهێنن .
سه‌رچاوه هه‌واڵییه‌كان باس له‌وه ده‌كه‌ن ئه‌م ئه‌ستێره‌یه له به‌رنامه‌ى به‌رشه‌لۆنه‌دا كه له‌هاوینه‌دا بتوانێ گرێبه‌ستى له‌گه‌ڵ بكات و بۆ ئه‌م مه‌به‌سته‌ش بڕى 100 ملیۆن یۆڕۆى بۆ ته‌رخان كردووه .
ئاماده‌كردن : شوان عه‌زیز
کۆمێنت (0)
تا ئێستا هیچ کۆمێنتێک نەکراوە.