مایكڵ ستیفنس شاره‌زا له ڕۆژهه‌ڵاتى ناوه‌ڕاست له ئینگلته‌را لێدوانیكى بۆ ڕۆژنامه‌ى نیویۆرك تایمز داوه، كه له ژێر واژۆى كارلۆتا گال نوسه‌ر و ڕوژنامه‌نوسى به‌ریتانى، سه‌باره‌ت به دواین پێشهاته‌كانى خۆرئاواى كوردستانى نوسیووه.
كارۆلتا گال له ڕۆژنامه‌كه له‌سه‌ر زارى ئه‌و شاره‌زایه نووسیویه‌تی و ده‌ڵێت: ده‌كرێت ئه‌م ڕیككه‌وتنه‌ى په‌یه‌ده و سوپاى ئه‌سه‌د و چوونى سوپاى سوریا بۆ عه‌فرین، له‌لایه‌ن ئه‌ردۆغانه‌وه وه‌ك سه‌ركه‌وتن بانگه‌شه‌ى بۆ بكرێت و به ده‌ستكه‌وتى ستراتیژى لێكبدرێته‌وه.
وتاره‌كه‌ى مایكڵ ستیفنس به واژۆى كارۆلتاى نووسه‌ر بڵاوبوته‌وه له درێژه‌ى نوسراوه‌كه‌دا هاتووه "چوونه ناوه‌وه‌ى سوپاى سوریا بۆ عه‌فرین، ده‌كرێت ببێت به ڕێگه‌یه‌ك و بیانوویه‌ك بۆ كشانه‌وه‌ى ئه‌ردۆغان له شاره‌كه".
"زۆرێك له سه‌ربازانى سوپاى سوریاى ئازاد، به ئومێدى گه‌یشتن و ده‌ستبه‌سه‌ردا گرتنى گونده‌كانى باكوورى سوریا به‌شدارى له‌شكركێشیه‌كه‌ى سوپاى توركیایان كرد، به‌ڵام سه‌ره‌ڕاى قوربانى زۆریان دا هێشتا به ئاواته‌كه‌یان نه‌گه‌یشتوون".
مایكڵ ستیفنس هه‌روه‌ها وتویه‌تى: پێشنیارى حكومه‌تى سوریا و رێككه‌وتنى بۆ هاتنى ناو عه‌فرین تا كۆنتڕۆڵى ناوچه‌كه به‌ده‌ست بێنیت، ده‌كرێت ئه‌ردۆغان كشانه‌وه بگرێته به‌ر و بۆ ئه‌سه‌دى به جێبهێڵێت، چونكه بارۆدوخه‌كه به شێوه‌یه‌كى زیاد ئاڵوزه.
هه‌روه‌ها ده‌ڵێت: ئه‌ردۆغان ده‌توانێت بانگه‌شه‌ى سه‌ركه‌وتن بكات هه‌ندێك ده‌سكه‌وتى ستراتیجى به‌ده‌ست بێنێت له كاتێك ئه‌گه‌ر به جۆریك سوپاى سوریا له‌گه‌ڵ یه‌په‌گه شه‌ر بكات و توركیاش به رێزگرتن له سه‌روه‌رى خاكى سوریا بانگه‌شه‌ى كشانه‌وه ده‌كات، پاشانیش بۆ هاووڵاتى توركیا بڵێت كه ئه‌وان كێشه‌ى ئارامى سنووره‌كانیان چاره‌سه‌ركردووه.
ستیفنس ده‌ڵێت: توركیا پێگه‌ى ستراتیجى زۆر لاوازبووه، بۆ به‌ده‌ستهێنانى ده‌ستكه‌وتى ستراتیجى ئه‌م كارانه ده‌كه‌ن.
وه‌رگێڕان و ئاماده‌كردن/ سیروان عه‌زیز
کۆمێنت (0)
تا ئێستا هیچ کۆمێنتێک نەکراوە.