ئه‌مڕۆ دووشه‌ممه 19/2/2018، مه‌ولوود چاوشئۆغڵو، وه‌زیری ده‌ره‌وه‌ی توركیا، له پرێس كۆنفرانسێكی هاوبه‌شدا له‌گه‌ڵ هاوتا ئوردنییه‌كه‌ی، رایگه‌یاند" ئه‌گه‌ر ھێزه‌كانی سووریا بۆ ئه‌وه بێنه عه‌فرین تا یه‌كیینه كوردییه‌كان له‌وێ نه‌هێڵن، ئێمه كێشه‌مان نییه، به‌ڵام ئه‌گه‌ر بیانه‌وێت هێزه كوردییه‌كان بپارێزن، ئه‌وه هیچ كه‌سێك ناتوانێت سوپای توركیا رابگرێت".
ئه‌مڕۆ دووشه‌ممه، ته‌له‌ڤزیۆنی سووریا رایگه‌یاند: "ھێزه‌كانمان له‌سه‌ر داوای خه‌ڵكی عه‌فرین بۆ پشتیوانی له عه‌فرین ده‌چنه شاره‌كه".
بەپێی هەواڵێکی ئاژانسی (سانا)ی سەر بە رژێمی سووریا، هێزەکانی ئەو رژێمە ”لە چەند کاتژمێری داهاتوودا“ دەچنەوە ناو عەفرین.
هەروەها کەناڵی تەلەڤزیۆنیی فەرمیی رژێمی سووریا رایگەیاندووە، کە هێزەکانیان لەسەر داوای بەرپرسانی عەفرین دەچنەوە ناو عەفرین.
هەروەک میدیاکانی سەر بەو رژێمە بڵاویان کردووەتەوە، هێزەکانیان لە عەفرین هاوکاریی یەکینەکانی پاراستنی گەل (یەپەگە) لە رۆژئاوای کوردستان دەکەن، لە دژی هێرشی سوپای تورکیا بۆ سەر شارەکە.
کۆمێنت (0)
تا ئێستا هیچ کۆمێنتێک نەکراوە.